Premer-mınıstr Parlament Májilisi men barlyq deńgeıdegi máslıhat depýtattarynyń saılaýynda daýys berdi, dep habarlaıdy Egemen.kz.
Ortalyq saılaý komıssııasynyń málimetinshe, búgingi saılaýǵa 12 032 550 daýys berýshi tirkeldi.
Májilis pen máslıhat saılaýyna 7 partııa qatysady. Atap aıtqanda: «Amanat» partııasy, «Aýyl» halyqtyq-demokratııalyq partııasy, «Respublica» partııasy, «Qazaqstan halyq partııasy», «Baıtaq» jasyldar partııasy, «Aq jol» partııasy jáne «Jalpyulttyq sosıal-demokratııalyq partııasy».
Májiliske barlyǵy 98 depýtat saılanady. Onyń 70 paıyzy, ıaǵnı 69 oryn proporsıonaldyq júıemen 5 paıyzdyq mejeden ótken saıası partııalardyń tizimi boıynsha saılanady. Al qalǵan 30 paıyz, ıaǵnı 29 oryn bir mandatty okrýgterden saılanatyn depýtattarǵa beriledi.
Astana, Almaty, Shymkent jáne 17 oblystyń máslıhattary saılaýynda partııalyq tizim jáne bir mandatty okrýgterdiń araqatynasy 50/50 bolady. Al qalalyq, aýdandyq máslıhattar 100 paıyz bir mandatty okrýgter arqyly saılanǵan depýtattardan turady.