Ekinshi dúnıejúzilik soǵystyń batyry Berlibek Ysqaquly taıaǵyna súıense de, tańdaýyn jasady. Bul qarııanyń jetinshi saılaýy, dep habarlaıdy Egemen.kz.
Búgin – tarıhı kún. Sarqan aýdany Qoılyq aýylynyń týmasy 98 jastaǵy soǵys ardageri Berlibek Ysqaquly №365 saılaý ýchaskesinde eń birinshi bolyp daýys bergen saılaýshy boldy.
Aqsaqal elimizdiń jańa dáýirge qadam basyp, shalǵaı jatqan aýyl halqynyń únine qulaq asatyn janashyr depýtattar saılaýda jeńiske jetetindigine senim bildirip, aq batamen jalǵady.
«Táýelsiz elimizdiń bolashaǵy degende barlyǵymyz bir kisideı̆ atsalysýymyz kerek. Meniń jasym júzge taıap qalsa da eshqashan saı̆laýdan tys qalǵan emespin, saı̆laýǵa ár azamattyń barýy mindetti», dedi Berlibek ata.
Aıta keteıik, Jetisý oblysynda tirkeý qorytyndysy boıynsha barlyǵy 538 depýtattyqqa kandıdat tirkeldi. Qazirgi ýaqytta Parlament Májilisiniń depýtattaryn saılaý boıynsha Jetisý oblystyq birmandattyq aýmaqtyq №17 saılaý okrýginen – 13 kandıdat saılaýǵa túsedi. Onda 1 – kandıdat «Amanat» partııasynan, 12 – kandıdat ózin-ózi usyný arqyly.
Oblystyq máslıhat depýtattaryn saılaý boıynsha 5 saıası partııanyń partııalyq tizimi boıynsha 58 kandıdat saılaýǵa túsedi. Onda:
«Amanat» partııasy (34 kandıdat),«QHP» partııasy (6 kandıdat),«Aýyl» partııasy (8 kandıdat), «Respýblıka» partııasy (2 kandıdat),«Aqjol» partııasy (8 kandıdat)
Jetisý oblysynda birmandattyq aýmaqtyq saılaý okrýgteri boıynsha: oblystyq máslıhatqa 16 okrýg boıynsha 52 kandıdat; qalalyq máslıhattarǵa 29 okrýg boıynsha 85 kandıdat; aýdandyq máslıhattarǵa 107 okrýg boıynsha 317 kandıdat.