Búgingi saıası dodadan qalys qalmaı, óz tańdaýlaryn jasaýǵa kelgen árbir janǵa naýryz kóje usynyldy. Qarataldyq eriktiler kóktemgi jańarý merekesi qarsańynda bolǵan saılaý naýqanynda úlken mán baryn aıtty, dep habarlaıdy Egemen.kz.
Kópshilik bir-birin merekelerimen quttyqtap, jýyq arada «Kórisý kúni» ótkenin, alda áz-Naýryz meıramy ekenin tilge tıek etti. Sondaı-aq aýdan halqy barsha ult pen ulys ókilderi birigip, judyryqtaı jumylsa, elimizdiń órkendeı túserine senim bildirdi.
Saılaý ýchaskelerinde aýdan ónerpazdary óz ónerlerin pash etip, barsha halyqqa erekshe kóńil kúı syılap jatyr. Kúmbirlegen kúı, ásem án, ádemi jyr, bári-bári halyqqa arnaldy. Kópshilik óz tańdaýlaryn jasaǵannan keıin, úılerine asyqpastan ánshilerdiń ónerlerin tamashalady. Olar saılaýda óz daýystaryn bergenderi arqyly bolashaǵymyzǵa yqpal etkenderine senimdi.
Naýryz kójeden aýyz tıgen jastar jaǵy úlkenderden kójeniń daıyndalý jolyn surastyryp, paıdaly maǵlumatqa qanyǵyp qaıtty.