Aımaq basshysy Qumar Aqsaqalov qalalyq mýzyka mektebi ǵımaratyndaǵy №3 saılaý ýchaskesinde daýys berdi. Bul ýchaskege 1600-ge jýyq saılaýshy tirkelgen. О́z tańdaýyn jasaǵan soń ákim BAQ ókilderine suqbat berdi, dep habarlaıdy Egemen.kz.
«Búgin memleketemiz úshin óte mańyzdy kún. Biz eldiń jarqyn bolashaǵy úshin tańdaý jasap jatyrmyz. Bıylǵy saılaý jańa formatta ótip jatyr. Bul joly úmitkerlerdiń asa belsendi ekenin kórip otyrmyz. Bir depýtattyq mandatqa saıası partııalar tarapynan usynylǵan nemese ózin-ózi usynǵan úsh úmitkerden túsip otyr. Baqylaýshylardyń da belsendiligi joǵary. Munyń barlyǵy Memleket basshysynyń tapsyrmasymen júzege asyrylyp jatqan saıası reformalardyń bir kórinisi. Bul respýblıkamyzdyń ekonomıkasynyń damýyna, qoǵamdaǵy demokratııalyq úderisterdiń qalyptasýyna aıtarlyqtaı áser etedi», dedi Qumar Aqsaqalov.