Tekelide «Saılaýbaı» dúnıege keldi. Ana men balanyń densaýlyǵy jaqsy, dep habarlaıdy Egemen.kz.
Búgin elimiz úshin tarıhı aıtýly kúnde Tekeli qalasynyń ortalyq aýrýhanasynda kishkentaı perishte dúnıege esigin ashty. Salmaǵy − 2,5 keli. Qazir ekeýi de dárigerlerdiń baqylaýynda.
«Biz ulymnyń osyndaı mańyzdy kúni dúnıege kelgenine qýanyshtymyz. Bul meniń 5-shi balam. Allanyń qalaýymen merziminen buryn bosandym. Biz salmaq qosyp, densaýlyǵymyz jaqsarǵansha dárigerlerdiń baqylaýynda bolamyz. Men daýys berip úlgerdim, ol úshin perzenthanada jatqandarǵa jaǵdaı jasalǵan. Osylaısha, perzenthana qabyrǵasynda otyrǵan jas analar da, bolashaq analar da azamattyq boryshyn óteı alady», deıdi kóp balaly ana Aıaýlym Baqytqyzy.