Kentaý qalasynyń turǵyny, kópbalaly ana Túımegúl Ergeshqyzy T.Rysqulov atyndaǵy 24 mekteptegi №899 saılaý ýchaskesine otbasymen kelip, óz tańdaýyn jasady, dep habarlaıdy Egemen.kz.
Túımegúl Ergeshqyzy eń alǵashqy sábıdi osydan 22 jyl buryn asyrap alýǵa sheshim qabyldaǵan. Sodan keıin otbasy jyl saıyn tolyǵa bastaǵan. О́zi úlken otbasynda ósken Túımegúl Ergeshqyzy úıde balanyń kóp bolǵanyn qalaıdy. О́z kásibi – kafe jáne dúken ortalyqtary bar ananyń 18 balasy jáne 6 nemeresi bar.
Al Túrkistan oblysynyń ákimi Darhan Satybaldy Túrkistan qalasyndaǵy №133 saılaý ýchaskesine baryp, daýys bergen. Bul ýchaskede 2 myńnan astam saılaýshy tirkelgen. Atalǵan aýmaqta saılaýshylardyń belsendiligi óte joǵary.
Jalpy oblysta 1168658 saılaýshy bar. Bul – respýblıka boıynsha eń joǵarǵy kórsetkish. О́ńirdegi 941 saılaý ýchaskesinde 8 myńnan astam baıqaýshy jumys istep jatyr.