Egemendikter eńbegi elendi

Egemen elimizdiń eńsesin kóterip, memlekettiń syndarly saıasatyn júzege asyryp júrgen jandardyń osy baǵyttaǵy eren eńbekterin tarıhqa marjandaı tizip qaldyrýda BAQ ókilderiniń alar orny erekshe. Al olardy marapattaý kásibı tól merekesi – Baılanys jáne aq­pa­rat qyzmetkerleri kúni qar­sańynda ótýde. Osyndaı qalam us­ta­­ǵan qaýymnyń arasynda qazaq bas­­pasóziniń qarashańyraǵy  – res­pýb­lıkalyq «Egemen Qazaqstan» ga­zetiniń birqatar jýrnalısteri de bar. Qazaqstan Jýrnalıster odaǵy syılyǵynyń bıylǵy laýreattary qatarynda basylymnyń  Aq­mola oblysyndaǵy menshikti til­shisi Baqbergen Amalbek te bar. Son­daı-aq, Mádenıet mınıstrligi Til komıtetiniń «Memlekettik til já­ne BAQ» nomınasııasy boıyn­sha birinshi oryndy Qostanaı ob­ly­syndaǵy menshikti tilshi  Názıra Járimbetova ıelendi. Qazaqstan halqy Assam­bleıa­synyń Tóraǵasy Nursultan Nazar­baev­tyń Qurmet gramotasymen elimizdegi ultaralyq kelisim men turaqtylyqty nyǵaıtýǵa, Ota­nymyzǵa degen patrıottyq sezimdi qalyp­tastyrýǵa qosqan úlesteri úshin bas redaktordyń orynbasary Samat Musa, al Alǵys hatymen  tilshi Láıla Tileýbaeva marapattaldy. «Bas redaktorlar klýby» qo­ǵam­dyq birlestigi daıyndaǵan «Eý­ra­­zııanyń altyn qalamy», «Qazaq­stannyń úzdik redaktory», «Qa­zaq­stannyń úzdik jýrnalısi» tós­belgilerimen de birqatar jýrnalıster marapattaldy. Olardyń qatarynda qos sholýshy, árip­tes­terimiz Álısultan Qulanbaı men Aleksandr Tasbolatov ta bar. «Eýrazııanyń altyn qalamy» meda­lin Á.Qulanbaı omyraýyna taqsa, A.Tasbolatov «Qazaqstannyń úzdik jýrnalısi» atandy. «Aqparat salasynyń úzdigi» tósbelgisin úsh birdeı áriptesimiz omyraýlaryna taqty. «Egemen Qazaqstannyń» ekonomıkalyq sholýshylary  Suńǵat Álipbaı men Jylqybaı Jaǵyparuly jáne atal­ǵan basylymda uzaq jyldar qyz­met etip, eńbek demalysy­na shyq­qan qazaq baspasóziniń ardageri Ja­maldyn Ahmetov salanyń úz­dikteri dep tanyldy. Sonymen qa­tar, Baılanys jáne aqparat agent­tiginiń  Qurmet gramotalaryn tilshi Láıla Tileýbaeva men qyzmet­ker­ler Tursyn Esilbaeva jáne Dına Dáýit enshiledi. Sondaı-aq, osy jol­dar­dyń avtory da Ult­tyq ǵa­rysh agenttiginiń arnaıy alǵys hatyn aldy. Jalpy, jýrnalıstıkanyń jel­kenin esýde, ásirese, gazet-jýrnal salasynda fotojýrnalıstıkanyń alar orny erekshe. Bul turǵyda fototilshiler eńbekteri de elenip kele jatyr.  Mádenıet mınıstrligi Mádenıet jáne óner isteri komı­tetiniń toleranttylyq pen qa­zaq­standyq patrıotızmdi nyǵaıtý ıdeıa­syna arnalǵan «Qazaqstan – dostyq besigi» atty II fotokonkýrsynda fototilshi Erlan Omarovtyń baǵy janyp, birinshi oryn ıegeri boldy. О́zindik oı-qııaly men kásibı sheberligin qatar ushtap júrgen E.Omarov túsirgen fotosýretterdiń syn kózdiń talabynan shyǵyp júlde alýy áriptesterin bir qýantyp tas­tady. Áriptesterimizdi kásibı tól me­re­keleri qarsańynda alǵan júl­de­lerimen quttyqtap, olarǵa shalqar shy­ǵarmashylyq tabystar tileımiz. Ábdirahman QYDYRBEK, «Egemen Qazaqstan».