Sátimen ótken naýqan

«Qazir barlyq 1 620 saı­laýshynyń 200-den astamy daýys berip úlgerdi. Jastardyń belsendiligi tústen keıin artady. Odan ári saılaýshylar legi keshke deıin tolastamaı­dy. Bul ylǵı bolatyn úr­dis, bıylǵy saılaýdyń da erek­sheligi joq», dedi ol.

Osy ýchaskede qoǵamdyq uıymdardan, Qazaqstannyń halyq partııasynan birneshe baıqaýshy otyr. «Ázirge bári durys, eshqandaı quqyq buzýshylyq bolǵan joq», deıdi baıqaýshylar. Ǵabıt Músirepov atyndaǵy balalar men jasóspirimder kitaphanasyna ornalasqan №575 saılaý ýchaskesinde jumys sál belsendirek. Map­rýza Jumabaeva tór­aǵalyq etetin bul ýchaskede biz bolǵan kezde 315 adam daýys berip úlgeripti. «Daýys» QU jáne birneshe kandıdattyń senimdi ókilderi baıqaýshy bolyp otyr. Saılaý ýchaskesine 87 jastaǵy Aleksandr Roıchenko da ózi kelip daýys berdi. «K.Sútishev kóshesindegi osy jerge jaqyn úılerdiń birinde turamyn. Ázirge aıaǵym júredi, sondyqtan mundaı mańyzdy is-sharadan qalmaýym kerek dep sanaımyn», dedi ol bizge.

Mundaǵy tirkelgen saılaýshylar sany 1 615 adam eken. «Qazir úılerinen daýys beretinderge arnaıy jáshik jiberemiz, ondaı azamattardyń sany – 15», dedi M.Juma­baeva. Osydan keıin barǵan S.Shaımerdenov atyndaǵy klassıkalyq gımnazııadaǵy №590 saılaý ýchaskesinde arnaıy jáshikke daýys bere­tinder 13 adam ekenin bildik. Al 94 jastaǵy Ivan Zavgorodnıı saılaý ýchaskesine ózi kelip, daýys berip ketipti. Munda 1 575 daýys berýshi tirkelgen, sonyń 500-ge jýyǵy daýys berip úlgeripti. «Osy mańaıda turatyn jandardyń kóbi zeınetkerler, olardyń belsendilikteri joǵary, árqaısysy saılaý­dan qalmaýǵa tyrysady», deıdi ýchaske tóraǵasy Raýshan Ilııasova.

S.Muqanov atyndaǵy oblystyq ǵylymı-ámbebap kitaphanadaǵy saılaý ýchas­kesindegi jaǵdaı osyndaı, aqyryn ǵana oınap turǵan mýzyka, kelip jatqan saılaý­shylar legi áli tolastaǵan joq. Munda da birneshe qoǵam­dyq uıym, kandıdattar men partııalardyń ókilderi baıqaýshy boldy.

Soltústik Qazaqstan oblysy