«Nur Suńqardyń» suńqarlary anyqtaldy

Baılanys jáne aqparat qyzmetkerleri kúni qarsańynda elordada Astana Music Hall meıramhanasynda jyl saıynǵy dás­túrli «Nur Suńqar» respýblıkalyq baı­qaýynyń jeńimpazdaryn marapattaý sal­ta­naty boldy. Atalǵan shara «Nur Otan» partııasy men Baılanys jáne aqpa­rat agenttiginiń uıymdastyrýymen ótkizildi. Sharanyń ashylý saltanatynda «Nur Otan» partııasy Tóraǵasynyń birinshi orynbasary Baýyrjan Baıbek BAQ ókilderin kásibı merekelerimen quttyqtap, bıylǵy jylǵy «Nur Suńqar» syılyǵyna degen yqylastyń zor bolǵanyn jetkizdi. «Búgingi tańda birde-bir tarıhı sheshim men birde-bir reformanyń BAQ-ta nasıhattalyp, talqylaýynsyz júzege asýy múmkin emes. «Nur Otan» partııasynyń saıası Doktrınasynda «jaýapty azamattyq qoǵam» memlekettiń demokratııalyq damýynyń faktory retinde belgilengen. Biz azamattyq bastamalardyń damýy, qoǵamdyq birlestikterdiń keń maǵynadaǵy únqatysýy, qoǵamdyq baqylaýdy nyǵaıtý úshin jaǵdaı jasaýymyz qajet», dedi B.Baıbek. О́z kezeginde sóz alǵan Baılanys jáne aqparat agenttiginiń tóra­ǵasy Asqar Jumaǵalıev: «Soń­ǵy on jyl ishinde Qazaqstan medıanaryǵynda birneshe oń ózgerister bolyp jatyr: biz sandyq efırlik teledıdardy iske qosýdamyz, otandyq telearnalarymyzda óz ónimderimizdiń baǵdarlamalary kóbeıýde. Ár jańa kezeń saıyn buqaralyq aqparat quraldarynyń aýdıtorııasy tartymdy bola túsýde. Sondyqtan da qazaqstandyq medıa ári qaraı da básekege qabilettiligin damytyp, kontentiniń sapasyn arttyra túsýi kerek», dedi. Sonymen, «Nur Suńqardyń» jeti atalymy boıynsha jeńim­pazdaryna keleıik. «Sóz she­beri» atalymynda eń úzdik gazet jýrnalısi bolyp qazaq bas­pasóziniń qarashańyraǵy – res­pýblıkalyq «Egemen Qa­zaq­stan» gazetiniń sholýshysy Súleımen Mámet tanyldy. «Erek­she pikir» nomınasııasynda «Jetinshi kanal» telearnasynyń «Drýgımı slovamı» saraptamalyq qory­tyndy baǵdarlamasynyń júr­gizýshisi Maııa Bekbaeva eń úzdik televızııalyq jýrnalıst atansa, «Medıa-profı» ataly­mynda «Bnews.kz» aqparat agent­tiginiń bas redaktory Anar Baz­mýhametova eń úzdik aqparat agenttigi jýrnalısi boldy. Son­daı-aq, «Aımaq aınalymy» atalymynda eń úzdik óńirlik tilshi retinde «Aıqyn» gazeti rýhanııat, áleýmet bóliminiń redaktory Gúlzına Bektastyń baǵy jansa, «Kózqaras» atalymy boıynsha О́rken Kenjebek pen Iаkov Fedorov eń úzdik blogerler atandy. Al «Qazaqstandyq jýrnalıstıkaǵa qosqan úlesi úshin» atalymynda «Qazaqstan» RTRK» AQ basqarma tóraıymy Nurjan Muhamedjanova, «Par­tııa qyzmeti týraly eń úzdik materıaly úshin» nomınasııasynda «Habar» telearnasynyń shef-redaktory jáne «Jeti kún» baǵdarlamasynyń júrgizýshisi Olga Soı jeńimpazdar legin qorytyndylady. Bul jeńim­paz­dardyń barlyǵyna da 1 mıllıon teńge kóleminde aqshalaı syılyqtar berildi. Bıylǵy jyly elimizdiń bar­lyq aımaǵynan «Nur Suńqar» baı­qaýyna qatysýǵa nıet bil­dirgen 221 ótinish kelip túsken. Baıqaýǵa Elbasy, «Nur Otan» partııasynyń Tóraǵasy Nur­sultan Nazarbaev qoıǵan min­detterdiń júzege asyrylýyn, «Qazaqstan-2050» Stra­te­gııa­synyń basymdyqtary men «Nur Otan» partııasy Dok­trına­synyń qaǵıdalaryn, son­daı-aq, partııalyq bastamalardy jan-jaqty kórsetken eńbekter qa­byl­danǵan. Ábdirahman QYDYRBEK, «Egemen Qazaqstan».