Aldyn ala júrgizilgen exit-poll qorytyndysy boıynsha Májiliske alty partııa ótti, dep habarlaıdy Egemen.kz.
Amanat partııasy (53,33%).
«Aýyl» halyqtyq-demokratııalyq patrıottyq partııasy (11,26%).
Qazaqstannyń «Aq jol» Demokratııalyq partııasy (8,87%).
Qazaqstan halyq partııasy (6,93%).
Respýblıkalyq partııa (8,33%).
Jalpyulttyq sosıal-demokratııalyq partııasy (5,12%).
«Baıtaq» jasyl partııasy óte almaı qaldy. Ol eń az daýys sanyn (2,51%) jınady.
«Baıtaq» partııasynyń jetekshisi Azamathan Ámirtaev naýryzdyń 19-y kúni ekzıt-poll qorytyndysy jarııalanǵannan keıin málimdeme jasady.
«Exit-poll qorytyndysy boıynsha, bizdiń partııa Parlamentke ótken joq. Biraq «Baıtaq» partııasy usynylǵan baǵdarlama boıynsha óz betimen jumys isteı beredi», dep jazdy Azamathan Ámirtaev Facebook paraqshasynda.
Sondaı-aq Parlamenttiń jańa quramyna el ıgiligi úshin qyzmet etýdi tiledi.
Qazaqstandyqtardyń 3,65 paıyzy barlyǵyna qarsy daýys berdi.
19 naýryzda Qazaqstanda Parlament Májilisi men barlyq deńgeıdegi máslıhattar depýtattarynyń saılaýy ótti. Saılaýda 6 521 860 qazaqstandyq daýys berdi.
Májilis saılaýyna jeti saıası partııa jiberilgen edi:
Amanat partııasy (90 kandıdat).
«Aýyl» halyqtyq-demokratııalyq patrıottyq partııasy («Aýyl» HDP) (25 kandıdat).
Respýblıka partııasy (23 kandıdat).
Qazaqstan halyq partııasy (QHP) (52 kandıdat).
«Baıtaq» qazaqstandyq jasyl partııasy (18 kandıdat).
Qazaqstannyń «Aq jol» Demokratııalyq partııasy («Aq jol» QDP) (54 kandıdat).
Jalpyulttyq sosıal-demokratııalyq partııasy (OSDP) (19 kandıdat).
118 partııalyq tizim boıynsha máslıhattar – 334 orynǵa 1447 kandıdat.
Bir mandatty aýmaqtyq okrýgter boıynsha – 10288 kandıdat. Olar 3081 mandat úshin kúresti, ortasha báseke bir mandatqa úsh úmitkerden kóp boldy.
OSK men aýmaqtyq saılaý komıssııalarynda barlyǵy 12 451 kandıdat tirkelgen.