Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy 2,15 teńgege qymbattap, 462,36 teńgeni quraǵanyn habarlady, dep jazady Egemen.kz.
Qytaı ıýaniniń ortasha saralanǵan baǵamy Almaty ýaqyty boıynsha saǵat 12:00-de tómendep, 66,71 teńgeni (-0,52) qurady.
Eýro baǵamyn Ulttyq bank belgilegen – 490,51 teńge, rýbl – 6,02 teńge.
Aqsha aıyrbastaý oryndarynda dollar 461 – 465 teńgeden, eýro – 494 – 501 teńgeden, reseı rýbli – 5,75 – 6 teńgeden satylyp jatyr.
Brent markaly munaı barreline 2021 jyldyń 20 jeltoqsanynan beri alǵash ret 71 dollardan tómendedi. Brent markaly munaıdyń mamyrdaǵy fıýchersteriniń baǵasy 3,18%-ǵa, barreline $70,65-ke deıin, WTI mamyrdaǵy fıýchersteri 3,14%-ǵa, $64,83-ke deıin tómendedi.