Quqyq qorǵaý organdary akademııasynda Naýryz meıramyna arnalǵan is-shara ótti, dep habarlaıdy Egemen.kz.
Merekege jınalǵan qatysýshylar men qonaqtardyń qarasy kóp boldy. Kóktemniń súıikti merekesine aınalǵan Naýryz meıramy tabıǵattyń jandanýy men jańarýyn, rýhanı tazarýdy, jaqsylyq pen beıbitshilikti beıneleıdi, qýanysh pen jaqsy kóńil-kúı syılaıdy.
Naýryzdyń halyqtyń qoǵamdyq kelisimi men birligin, urpaqtar sabaqtastyǵyn nyǵaıtýdaǵy, jastardy patrıotızm rýhynda tárbıeleýdegi jáne ulttyq mádenıet pen óziniń tarıhı ótkenine qurmet kórsetýdegi mańyzy zor.
Bul mereke Qazaqstanda turatyn barlyq halyqtardy biriktiredi. Elimiz merekeni úlken qýanyshpen jáne maqtanyshpen atap ótedi. Bul halyqtyń baı murasyn baǵalaýǵa, ejelgi dástúrler men ádet-ǵuryptardy dáripteýge tamasha múmkindik beredi.
Mereke aıasynda JOO bólimsheleri arasynda úzdik ulttyq dástúr men dastarhan jaıý óneri boıynsha konkýrs ótti.
Improvızasııalanǵan aýyldarda «Qudalyq», «Qyz uzatý» jáne «Betashar» taqyryptarynda ádet-ǵuryptarǵa baılanysty ádemi jáne áserli qoıylymdar ótti. Merekeniń jarqyn epızody «Tusaý keser» rásimi boldy.