Bokstan Qazaqstan áıelder quramasynyń ókili Karına Ibragımova 2023 jyly Nıý-Delıde (Úndistan) ótetin álem chempıonatynda úshinshi jekpe-jegin ótkizdi, dep habarlaıdy Egemen.kz Sports.kz saıtyna silteme jasap.
57 kelige deıingi salmaqta shırek fınaldyq kezdesýde Ibragımovanyń qarsylasy Venesýela sportshysy Omaılın Alkala boldy. Jekpe-jek qorytyndysy boıynsha 5:0 esebimen jeńiske jetken qazaq boksshysy eń myqty bolyp shyqty. Ol jartylaı fınalǵa deıin jetip, kem degende qola júldege kepildik berdi.
Eske salaıyq, 2023 jylǵy áıelder arasyndaǵy álem chempıonatynda ótken jekpe-jekterinde Karına Ibragımova eki ret merziminen buryn jeńiske jetken edi.
Nıý-Delıde ótip jatqan álem chempıonatynyń alǵashqy jartylaı fınalynda qazaqstandyq Alýa Balqybekova (48 keli) túrik Erıvan Barýtty jeńdi.