Túrkııanyń ońtústik-shyǵysyndaǵy Kahramanmarash provınsııasynda 4,3 magnıtýdasymen zilzala tirkeldi, dep habarlaıdy Egemen.kz Anadoly agenttigine silteme jasap.
Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasynyń málimetinshe, jerasty dúmpýi jergilikti ýaqytpen 08:45-te tirkelgen.
Epısentri Onıkıshýbat aýdanynda ornalasqan. Oshaǵy 6,94 shaqyrym tereńdikte jatyr. Zardap shekkender men qıraǵan ǵımarattar týraly aqparat túsken joq.
Eske salaıyq, 6 aqpanda Túrkııanyń Kahramanmarash provınsııasynda qýaty 7 baldan asatyn eki jer silkinisi boldy. Terbelis eldiń 10 provınsııasynda, sondaı-aq kórshiles memleketterde, sonyń ishinde Sırııada sezildi.
Aqpan aıynda bolǵan tabıǵı apattan Túrkııaǵa kelgen shyǵyn 105 mlrd dollardan asty.
Sońǵy resmı derekterge sáıkes, tabıǵı apat 50 096 adamnyń ómirin qıdy. 107 204 adam zardap shekti.
Seısmıkalyq belsendilik Orta Azııada baıqalyp jatyr.
21 naýryzda Kahramanmarashta 4,1 magnıtýdasymen jer silkindi.