Rıdderde óńirlik aýqymdaǵy tótenshe jaǵdaı rejımi jarııalandy, dep habarlaıdy Egemen.kz.
Mundaı sheshimdi Shyǵys Qazaqstan oblysynyń ákimi Danıal Ahmetov qabyldaǵany habarlandy. Aımaq basshysynyń aıtýynsha, Rıdderdegi jylý elektr ortalyǵynyń jumysynda úlken kemshilikter bar.
«Jańa RNGK kompanııasynyń ıesi qańtardan bastap eshqandaı jumys júrgizbedi. О́tken kezeńde úsh mıllıard teńgeden astam bereshek qalyptasty, mazýt, kómir, elektr energııasyn jetkizýde olqylyqtar boldy. Sonymen qatar qarasha aıynan bastap shuǵyl jóndeý jáne qalpyna keltirý jumystaryn júrgizgen kompanııalarǵa eńbekaqy tóleýde áli keshiktirýler bar. Barlyǵy jumys prosesinde 67 isten shyǵý derekteri tirkeldi», dedi ShQO ákimi.