Grýzııanyń bas shahary – Tbılısıdegi Grand Slam týrnırinde Qazaqstannyń dzıýdoshylary sátti óner kórsetip jatyr. Alǵashqy eki kúnniń nátıjesi boıynsha jerlesterimiz úsh júldege qol jetkizdi.
Erler arasynda 60 kılo salmaq dárejesiniń qola medalin qazaqtyń qos balýany ózara sarapqa saldy. Olar – Maǵjan Shamshıddın men Qanat Seıilhan. Alǵashqysy – kóptegen dúbirli dodaǵa qatysqan saqa sportshy, ekinshisi – jastar býynynyń ókili. Bul tartysta Maǵjannyń mereıi ústem boldy. 81 kılo salmaqtaǵy Abylaıhan Jubanazar kúmis medaldi moınyna ildi. Ol kanadalyq Mohab Elnahas, polshalyq Pavel Drızımal, rýmynııalyq Vıktor Sterpý jáne grýzılyq Dmıtrıı Gochıladzeni san soqtyrǵanymen, fınalda aýstrııalyq Vahıd Borshashvılıge ese jiberdi. Áıelder saıysynda Ábıba Ábýjaqynova qola medal ıelendi. Sheshýshi tusta Ábıba ıspanııalyq Abelında Martınesti utty.
Jarystyń sońǵy kúni Dıdar Hamza men Aıdar Arapov (90 kılo), Nurlybek Sharhan men Bekarys Sádýaqas (100 kılo), Ǵalymjan Qyryqbaı men Jambyl Turǵynalıev (+100 kılo) jáne Kámıla Berliqash pen Aqerke Ramazanova (+78 kılo) tatamıge shyǵady.