Alǵashqy oıyndaǵy jeńilis

Mogamed Adıev shákirtteriniń Ulttar lıgasyndaǵy sátti maý­symynan keıin Qazaqstannyń fýtbol jankúıerleri bıyl da jasyl alańdaǵy jigitterdiń ji­gerli jeńisinen dámeli edi. О́kinishke qaraı, elimizdiń túkpir-túk­piri­nen osy matchqa arnaıy kel­gen stadıondaǵy 27 myńnan asa jankúıerdiń de, teledıdar arqyly tamashalap, tilekshi bolǵan mıllıonnan asa kórermenniń de bul joly úmiti aqtalmady. Slovenııa – «Astana Arenada» jeńile salatyn Slovakııa emes, al qazaq fýtbolyn ushpaqqa shyǵarady degen Adıev – qaharman emes eken.

Eýropa chempıonattarynyń keıingi eki irikteý kezeńindegi jerlesterimizdiń ónerine kóz jú­girter bolsaq, ulttyq qurama ulandary eki retinde de alǵashqy oıynda qarsylastarynan upaı alǵanyn baıqaımyz. Máselen, 2014 jyldyń qyrkúıegindegi birin­­shi kezdesýde «Astana Are­nada» Latvııa fýtbolshylarymen teń túsken bolsa (0:0), 2019 jyl­dyń naýryzynda Shotlandııa qu­r­a­masyn 3:0 esebimen tize búk­tirip, aıdy aspanǵa bir-aq shy­ǵar­ǵan edi. Biraq statıstıka ár­daıym bir quramaǵa sáttilik ákele bermeıdi. Buǵan Qazaqstan ulttyq quramasynyń bıylǵy irikteýdegi alǵashqy matchynyń esebi dálel bolmaq.

Slovenııamen ótken matchqa toqtalar bolsaq, birinshi taım­da Qazaqstan quramasy nátı­je kórsetý jaǵynan alda bol­ǵanymen, statıstıka boıynsha ba­symdyq tolyǵymen Slovenııa quramasynda boldy. Qonaqtar alǵashqy 45 mınýtta kóbirek dopqa ıelik etip, Igor Shaskıı qorǵaǵan qaqpaǵa birneshe qaýipti soqqy jasady. Dálirek aıtar bolsaq, slovenııalyqtar alǵashqy taımda dopty 62 paıyz óz baqylaýynda ustap, bizdiń qaqpaǵa 6 márte soqqy jasady. Onyń úsheýi dál ba­ǵyttalǵan soqqylar. Qyraǵy qaqpashy Igor Shaskıı úsh re­tinde de myqtylyǵymen daralanyp, qaqpasyn goldan aman saqtap qaldy. Al Qazaqstan quramasynyń fýtbolshylary 38 paıyz doppen júrse de, úsh soqqy jasap, sonyń bireýin golǵa aınaldyra bildi.

Kezdesýdiń 24-mınýtynda bıyl «Aqtóbe» sapynda nátı­jeli oıyn kórsetip júrgen (chem­pıonattyń úsh matchynda tórt gol soqqan) 20 jastaǵy shabýylshy Maksım Samorodov mergendigimen kózge túsip, ulttyq quramadaǵy debıýttik golyn soqty. Iаn Vo­rogovskııdiń sol qaptaldan bir-eki oıynshyny aldap ótip, áýelete asyrǵan pasynan keıin Samorodov dańqty qaqpashy Iаn Oblaktyń qaqpasyna baspen tamasha gol soq­ty. Slovenııa quramasynyń boıshań qorǵaýshylary bul sátte Maksımdi nazardan tys qal­dyrdy. Aıtpaqshy, Iаn Oblak «As­tana Arena» stadıonynda osymen ekinshi ret qaqpa kúzetti. Birinshi márte ol 2015 jyly elor­­danyń «Astana» klýby Chem­pıon­dar lıgasynyń toptyq kezeńinde oınaǵanda Ispanııanyń «Atletıkosymen» birge Astanaǵa kelgen-di. Sol jyly Jýnıor Ka­bananga men Patrık Tvýmasıdiń tepken doptaryn qaıtara bilgen Oblak bul joly Samorodovtyń soqqysynan keıin san soǵyp qaldy.

Sondaı-aq Maksım Samoro­dovtyń oıynnyń alǵashqy mınýt­tarynda-aq esepti ashatyn jaqsy múmkindigi bolǵan edi. Alaıda dopty ashyq turǵan áriptesine be­rýden góri ózi soqqy jasaýǵa ty­rysqan jas sha­býyl­shyǵa bul jerde azdaǵan sát­tilik jetispedi. Dese de, ult­tyq quramadaǵy tá­jirıbesiniń azdyǵyna qara­mastan, osyndaı jaýapty sátte ózi soqqy ja­saýǵa tyrysqany, jas bolsa da jaýapkershilikti sezingeni qýantady. Ádette mundaı sátte keı fýtbolshylar doptan tezirek qu­tylǵysy kelip turatynyn jıi baıqaımyz.

Jalpy, ulttyq quramaǵa Adıev kelgeli jigitterde óz-ózi­ne degen senimdilik paıda bola bas­taǵany baıqalady. Burynǵydaı ja­ýapkershilikten qashyp, dop­ty betaldy tebe bermeıdi. Baı­qasańyzdar, bizdiń fýtbolshylar tipti, óz qaqpamyzdyń aldynda da pas almasatyn dárejege jetti. Árıne, senimdilik bolǵan jerde nátıje de bolatyny aıtpasa da túsinikti jaıt.

Oıynǵa oralar bolsaq, birinshi taım aıaqtalar tusta Slovenııa fýtbolshylary belsendiligin art­­tyryp, úziliske teń eseppen shyǵýǵa tyrysyp baqty. 37-mınýtta Igor Shaskıı Jan Selardyń gol soǵýyna múmkindik bermese, arada bes mınýt ótkende Ita­lııa­nyń «Ýdıneze» klýbynda oı­­naıtyn Iаka Bııoldyń joı­qyn soqqysyn qaıtaryp, jan­kúıer­lerdiń qoshemetine ıe boldy. Sóıtip, birinshi taım 1:0 esebimen Qazaqstan quramasynyń paıdasyna aıaqtaldy.

Ekinshi taım bastalysymen Slovenııa fýtbolshylary jyldam gol soǵyp, tarazy basyn te­ńestirip ketti. Oıynnyń 47-mınýtynda 23 jastaǵy Adam Gnezda-Cherın buryshtamadan gol soqty. Qarsylastardan mundaı qar­qyn kútpegen alań ıeleri biraz abdyrap qaldy. Qazaqstan fýt­bol­shylarynyń oıyny júrmeı jatqanyn baıqaǵan qonaqtar shabýylyn kúsheıtti. 70-mınýtta alańǵa tyńnan qosylǵan Jan Vıpotnık 78-mınýtta mergendik tanytyp, Slovenııany esepte alǵa shyǵardy. Magomed Adıev teń nátıjege qol jetkizý úshin oıynǵa úsh jyldan keıin ulttyq quramaǵa oralǵan Baýyrjan Islamhan men SSKA oıynshysy Baqtıer Zaı­nýtdınovti shyǵarǵanymen, báribir Slovenııa quramasynan upaı ala almadyq. Qorytyndy esep – 2:1.

Osylaısha, Qazaqstan qura­masy Eýro-24 týrnırindegi al­ǵashqy oıynynda jeńilip qaldy. Jer­lesterimiz toptaǵy ekinshi oıy­nyn keshe gazet bettelip jat­qanda «Astana Arenada» Qa­tar­­daǵy álem chempıonatynyń top­tyq kezeńinde oınaǵan Danııa qu­­ramasymen ótkizip jatty. Bul oıynnyń qorytyndysyn ga­ze­timizdiń erteńgi sanynan oqı alasyzdar. Birinshi týrdy Danııa fýtbolshylary óz alańynda ótkizip, Fınlıandııany 3:1 esebimen jeńgen bolatyn.