Ál-Farabı atyndaǵy QazUÝ-dyń shyǵystaný fakýlteti qytaıtaný kafedrasynyń doktoranty Arystanbek Aqylbaı Garvard ýnıversıtetine shaqyrtý aldy, dep habarlaıdy Egemen.kz.
Doktorant AQSh-ta memleket damýyndaǵy merıtokratııa prınsıpterin zertteý jumystarymen aınalysyp jatyr. Jas ǵalymnyń paıymdaýynsha, shetel tájirıbesi Qazaqstan úshin paıdaly bolaryna senimdi.
«Garvardta biliktilik arttyrý meniń armanym boldy. Ol úshin 7-8 aı boıy daıyndaldym. Jarty jyl ishinde Garvard qyzmetkerlerinen jaýap keldi. Nátıjesinde shetelden shaqyrylǵan ǵylymı qyzmetker mártebesi usynyldy», deıdi jas ǵalym.
Arystanbek AQSh-ta «Sıngapýr memlekettiliginiń qalyptasý evolıýsııasy: merıtokratııa jáne jańǵyrtý. Qazaqstanǵa arnalǵan tájirıbe» taqyryby boıynsha zertteý jumysyn jalǵastyrýda. Endi doktorant Garvard ýnıversıtettiń materıaldyq bazasyn jáne Widener Library sırek materıaldar kitaphanasyn, oqý ornynyń affılıasııasyn, Garvardtyń elektrondyq poshta mekenjaıyn, sport ortalyqtaryn tolyq paıdalaný múmkindigine ıe boldy.