ASTANA. 29 maýsym. Búgin tún ortasy aýa Brazılııada ótip jatqan álem chempıonatynyń 1/8 fınalynda Kosta-Rıka jáne Grekııa komandalary ushyrasty. Matchtyń negizgi ýaqyty 1:1 esebimen aıaqtalyp, oıynnan keıingi penaltıde kostarıkalyqtar 5:3 esebimen alǵa shyqty. Bul týraly egemen.kz habarlady.
Búgingi eki qarsylastyń qaı-qaısysynyń da shırek fınalǵa shyǵýy dál qazirgi tańda tań qalarlyq nárse bolyp kóriner edi. Buǵan grekterdiń topta eshqandaı artyq oıyn kórsete almaǵany sebep bolsa, kostarıkalyqtardyń bul qatardan kórinýiniń ózi aıtarlyqtaı jańalyq ekeni jasyryn emes.
Kosta-Rıka – Grekııa 1:1 (0:0). Penaltı: 5:3.
30 maýsym. Resıfı. «Arena Pernambýký» stdaıony. 41 242 kórermen. Tóreshi - Bendjamın Ýılıams (Avstralııa).
Kosta-Rıka: Keılor Navas, Krıstıan Gamboa (Djonnı Akosta, 77), Oskar Dýarte, Djankarlo Gonsales, Mıhael Ýmanıa, Jýnıor Dıas, Braıan Rýıs, Selso Borges, Elsın Teheda (Hose Kýbero, 66), Krıstıan Bolanos (Rendall Brenes, 83), Joel Kempbell.
Grekııa: Orestıs Karnezıs, Vasılıs Torosıdıs, Kostas Manolas, Sokratıs Papastatopýlos, Hose Olebas, Iаnnıs Manıatıs (Kostas Kasýranıs, 78), Georgıos Karagýnıs, Andreas Samarıs (Kostas Mıtroglý, 58), Dımıtrıos Salpıngıdıs (Teofanıs Gekas, 69), Georgıos Samaras, Lazaros Krıstodýlopýlos.
Goldar: Braıan Rýıs (52), Sokratıs Papastatopýlos (90+1).
Penaltı soqqandar: Selso Borges, Braıan Rýıs, Djankarlo Gonsales, Joel Kempbell, Mıhael Ýmanıa – Kostas Mıtroglý, Lazaros Krıstodýlopýlos, Hose Olebas.
Penaltı soǵa almaǵan: Teofanıs Gekas (qaqpashy qaıtardy).
Eskertýler: Oskar Dýarte (42), Elsın Teheda (48), Oskar Granados (56, zapasta), Braıan Rýıs (70), Keılor Navas (90) - Andreas Samarıs (36), Kostas Manolas (72).
Alańnan qýyldy: Oskar Dýarte (66).
Shyny kerek, Ortalyq Amerıka eliniń komandasy birinshilik aldynda toptaǵy aýtsaıder sanalǵan bolatyn. Al shaǵyn memlekettiń fýtbolshylary sol boljamdardyń báriniń kúlin kókke ushyryp, topta birinshi oryndy jeńip aldy. Onyń aldyna ıtalıandar men aǵylshyndar túse almady. Olar Ýrýgvaı men Italııany utyp, Anglııamen teń oınady. Endi tap osy komanda shırek fınalda Gollandııa quramasymen jur quraǵaly otyr.
Al mundaı jetistikke jetý úshin Kosta-Rıka jasaǵy Grekııa quramasymen oıynnyń sońynda belgilengen penaltıde ozyp shyqty. Ol ekinshi taımnyń ortasyna qaraı bir oıynshysynan aırylyp qalǵanyna qaramastan, teń nátıjege qol jetkizdi. Oıyn asa sapaly bola qoıǵan joq. Biraq ondaǵy teketires óte kúshti boldy. Tartys, ásirese, Kosta-Rıka komandasy 52-mınýtta Braıan Rýıs gol soqqannan keıin tipti órship ketti. Munyń sońy amerıkalyqtardyń qatary azaıyp qalýyna ulasty. Mine, osydan bastap olar alańda naǵyz erlik kórsetýge kiristi. Matchtyń negizgi ýaqyty bitkenge deıin 1:0 degen esepti de saqtaı bildi. Alaıda, qosymsha ýaqytta grek Sokratıs Papastatopýlos esepti teńestirip úlgerdi. Osynyń nátıjesinde overtaımǵa kezek keldi. Munda da basymdylyqtaryn tanyta almaǵan qarsylastar 11 metrlikke júgindi. Bul serııa oıynda jalpy basymdylyq kórsetken Kosta-Rıkanyń baǵyn jandyrdy.
Damır Qojamqul.
Derekkóz: egemen.kz.
Foto: Sportbox.ru.