Joldaǵy jaýapsyzdyq

Árıne, sebepsiz eshnárse bolmaı­dy. Osy turǵydan aıtqanda, jol apa­tynyń kóbeıýiniń sebebi nede? Jer­gilikti polı­sııa qyzmeti bas­qar­masynyń bas­tyǵy, polısııa pol­kov­nı­gi Erlan Bıǵambaevtyń aıtýynsha, jol apatynyń eń basty sebebi – kólik jyldamdyǵyn shamadan tys asyrý.

– Qazir kólik júrgizýshileriniń deni dittegen jer­ge jyldam jetý úshin jyldamdyqty údetýdi ádet­ke aınaldyryp aldy. Biraq sol jyl­damdyqtyń ókinishke ulasar jol apatyna uryndyratynyn, tipti kóliktegi jolaýshylardy ajal qush­tyryp, ómirine qater tóndi­re­ti­nin eskermeıdi. Ásirese zańsyz taksı qyzmetimen aınalysatyn júrgizý­shi­lerdiń qatysýymen bolatyn jol apaty jıiledi. Oblys jáne aýdandar ortalyǵynda jınalyp turatyn taksı júrgizýshileriniń sany kúnnen-kúnge artyp otyr, – deıdi Erlan Bıǵambaev.

Onyń deregine súıensek, taksı júr­gizýshileriniń kiná­sinen bir emes birneshe adamnyń ajal qush­qanyna dáıek retinde keltirer derek kóp. Máselen, byltyr qańtarda Jylyoı aýdanynda «Honda Odyssey» men «VAZ-211540» kólikteri soq­ty­ǵysqan. Jol-kólik oqıǵasynyń saldarynan Re­seıde shyǵarylǵan kóliktiń júrgizýshi men úsh jo­laýshysy, «Honda Odyssey» kóligindegi bir jo­laý­shy kóz jumǵan. Buǵan «Honda Odyssey» júr­gizýshisiniń kinási sot-medısınalyq saraptama qo­ry­tyndylarymen, kýálardyń aıǵaq­ta­ry­men tolyq dálelin tapqan. Sol sebepten Jylyoı aýdandyq soty­nyń úkimimen oǵan 7 jyl merzimge kólik qural­daryn júrgizý quqyǵynan, 5 jyl merzimge bas­ bostandyǵynan aıyrý jazasy taǵaıyndalǵan.

Osyndaı birneshe adam qazasyna ákeletin taǵy bir iri jol-kólik oqı­ǵa­sy byltyrǵy qazanda «Inder – Qa­ra­baý – Mııaly – Saǵyz» tas jolyn­da tirkelgen. Bul jol apaty­nan da bes adam mert bolyp, ­­úsh adam aýyr dene jaraqatyn alǵan. О́ki­nishke qaraı, jol apatyna ushy­ra­ǵan kólik júrgizýshisi polı­sııa qyz­metkerleriniń eskertýine qulaq as­pa­ǵa­ny anyqtalyp otyr. О́ıtkeni oǵan jol-kólik oqıǵa­synan bir saǵat buryn polısııa qyzmet­ker­­leri­ jyldamdyqty asyrǵany úshin ákim­shilik hattama toltyryp, esker­tý­ bergen. Biraq sodan keıin de jol qoz­ǵalysy erejesin saqtamaǵan júr­gi­zýshi qarsy baǵytqa shyǵyp, jol-kó­lik oqıǵasyna urynǵan. Taǵy bir derek­ke­ toqtalsaq, 28 aqpanda «Aqtóbe – Atyraý – Reseı Federasııasynyń she­karasy» baǵy­­tyndaǵy tas joldyń 491-shaqyrymynda «Toıota Ipsým» sha­ǵyn avtobýsy qarsy baǵyttaǵy júk kóli­gimen túıisken. Qyzylqoǵa aýdany­na bara jat­qan shaǵyn avto­býs­tyń rýlinde 31 jastaǵy júr­gizýshi bol­ǵan. Jol apatynan bes jolaýshy jan­­tásilim etip, eki adam aýyr jaraqat alǵan. Jo­laý­shy tasymaldap júrgen júr­gizýshiniń buǵan deıin úsh ret jyl­damdyqty asyrǵany, bir márte jol tańbasy qaǵıdasyn buzǵany anyq­­talyp otyr. Al 9 naýryzda da bes adamnyń o dúnıege attanýy­na sebep­­ker bolǵan jol-kólik oqıǵasy tir­keldi. О́zekti órteıtin bir jaıt, «Largýs» pen «ÝAZ» kólikteriniń soq­tyǵysýynan bolǵan jol apatynan­ erli-zaıypty jup tórt aılyq nárestesimen birge kóz jumdy. Taǵy úsh jolaýshy oblystyq aýrý­h­a­na­nyń kereýetine tańyldy.

Jolda júrý erejesin saqtamaı, barar jerine tez jetý úshin asyǵyp-apty­ǵyp, jyldamdyqty arttyrýdyń sońy talaıdyń eńiregende etegin jas­qa­ toltyrǵan ókinishke uryndyryp ja­tyr. Bul – jol apatynyń basty sebebi. Al saldary qandaı? Kúre jol­dyń boıynda talaı jolaýshyny­ ajal qushtyrǵan jol apatynan ke­ıin talaı ata-ana baýyr­ eti balasyn,­ jaqyn týysy men baýy­ryn máń­gi­likke joǵaltty. Tipti bir otba­sy­nyń­ endi ǵana mazdaı bastaǵan sha­ńy­raq oty sóngenin jasyrý múmkin emes. Ákesi men anasynan aıyrylǵan bala­lar­dyń shyrqyraǵan daýysy tóbe quı­qańdy shymyrlatady. Biraq muny túsi­netin, kóligindegi jolaýshynyń qaýip­sizdigine kepildik, aman-esen jet­ýine janashyrlyq tanytatyn júr­gizýshi qaıda? Árıne, bári deme­sek te jolaýshylardy o dúnıege at­tan­dyrýǵa sebepker bolyp júrgen júr­gizýshilerdiń keıbiri jol-kólik oqı­ǵasynyń osyndaı orny tolmas sal­daryna kóz juma qaraıtyn sekildi. Áıt­pese, polıseılerdiń eskertýinen ke­ıin jyldamdyqty arttyrmas edi. Átteń...

Atyraý oblysy