Estý qabileti nashar balalarǵa aǵylshyn tilin úıretý úlken parasattyń belgisi. Sol arqyly aıtarlyqtaı jetistikterge jetýge de bolady. Buǵan Taldyqorǵan qalasyndaǵy Nazarbaev zııatkerlik mektebiniń jas eriktileriniń tájirıbesi dálel.
Bes jyldan beri atalǵan bilim ordasy estý qabileti nashar balalarǵa arnalǵan oblystyq mektep-ınternatymen yntymaqtastyqta. NIS oqýshylary apta saıyn kelip, olarǵa aǵylshyn tilin úıretedi.
– 2019 jyly mektep-ınternat pen NIS arasynda yntymaqtastyq týraly memorandýmǵa qol qoıyldy. Osy memorandým aıasynda «Júrekten júrekke» qoǵamǵa qyzmet kórsetýdiń áleýmettik jobasy jumys isteıdi. Aptasyna bir ret bizdiń eriktiler ár túrli jastaǵy tórt topqa sabaq beredi, – deıdi pedagog-kýrator Áıgerim Erkinbaeva.
«Jaqsylyq jasaýǵa umtyl» – NIS-tegi ár oqýshynyń urany. Osy kúnge deıin onnan astam qoǵamǵa qyzmet etý jobalary óz nátıjesin kórsetip keledi. Bul jobalardyń ózektiligi men qundylyǵy barshaǵa túsinikti.
– «Men úshin áleýmettik jobalardyń mańyzy zor. О́ıtkeni volonterlik baǵyt oqýshylardyń boıynda adamgershilik dúnıetanymyn qalyptastyrýǵa septigin tıgizip, muqtaj jandarǵa kómek kórsetýge nemese qoǵamnyń nazaryn ótkir áleýmettik máselelerge aýdarýǵa septigin tıgizeri sózsiz, – deıdi 11-synyp oqýshysy Tomırıs Qasymova.
Qundylyqtyń jarqyn mysaly retinde qoǵamǵa qyzmet etýdiń alǵashqy tájirıbesin mektep jyldarynda alǵan túlekter qazir de ýnıversıtet qabyrǵasynda erikti qyzmetin jalǵastyrýda.
Jetisý oblysy