ASTANA. 1 shilde. Búgin tań aldynda Germanııa jáne Aljır quramalary arasyndaǵy oıyn aıaqtaldy. Onda nemister qosymsha ýaqytta 2:1 esebimen jeńiske jetti. Bul týraly egemen.kz habarlady.
Kezdesýdiń negizgi ýaqyty 0:0 esebimen teń nátıje ákeldi. Munda «nemis mashınasy» aıryqsha basym boldy dep aıta almaımyz. Buǵan Aljır fýtbolshylarynyń qorǵanysta óte muqııat oınap qoıa salmaı, udaıy qarsylastar qaqpasyna qarsy shabýyl jasap turýy dálel. Osy rette afrıkalyqtardyń da birneshe ret gol soǵatyn múmkindikteri jiberilip qoıyldy.
Germanııa – Aljır 2:1. Negizgi ýaqyt - 0:0.
1 shilde. Portý-Alegrı. «Beıra-Rıo» stadıony. Tóreshi - Sandro Rıchchı (Brazılııa).
Germanııa: Manýel Noıer, Benedıkt Hıovedes, Per Mertezaker, Jerom Boateng, Shkodran Mýstafı (Samı Hedıra, 70), Fılıpp Lam, Bastıan Shvaınshtaıger (Krıstofer Kramer, 110), Mesýt Ozıl, Tonı Kroos, Tomas Mıýller, Marıo Gıotse (Andre Shıýrrle, 48).
Aljır: Raıs Mbolı, Faýzı Gýlıam, Essaıd Belkalem, Rafık Allısh (Madjıd Býgerra, 96), Aıssa Mandı, Mehdı Mostefa, Mehdı Lasen, Safır Taıder (Iаsın Braımı, 78), Sofıan Fegýlı, El-Arabı Sýdanı (Abdelmýmen Djabý, 99), Islam Slımanı.
Goldar: Andre Shıýrrle (93), Mesýt Ozıl (120), Abdelmýmen Djabý (120+1).
Eskertýler: Rafık Allısh (41), Iаsın Braımı (108).
Nemister qosymsha oıynnyń basynda-aq gol salyp, birden alǵa shyqty. Aldymen sol qaptaldan Tomas Mıýller sýyrylyp ótti. Budan ári ol dopty Raıs Mbolı qaqpasy alańyna kólbeýlete jóneltti. Oǵan ózgelerden buryn jetken 93-mınýtta Andre Shıýrrle kóz ilespes jyldamdyqpen qımyldap, dopty qaqpanyń oń jaq qaptalyna ókshesimen sart etkizdi. Esep – 1:0.
Overtaımnyń sońynda talas tipti qyza tústi. Germanııa quramasy birneshe ret gol soǵyp kete jazdady. Ol sonyń birin ǵana 120–mınýtta golǵa aınaldyrdy. Ony Mesýt Ozal saldy. Biraq sonyń artynsha, 121-mınýtta aljırlikter bir doptyń qarymtasyn qaıtardy. Islam Slımanıdiń pasynan keıin Abdelmýmen Djabý sońǵy núkteni qoıdy. Match osylaısha 2:1 bolyp bitti.
Nemister shırek fınalda fransýzdarmen kezdesedi.
Damır Qojamqul.
Derekkóz: egemen.kz.
Foto: Sportbox.ru.