«Astana-AEK» AQ kásiporynnyń qoımasynan kabeldik kanaldyń 12 qaqpaǵy urlanǵany anyqtaldy. Urlyqqa jaýapty er adamǵa qatysty sot úkimi shyǵaryldy, dep habarlaıdy Egemen.kz qala ákimdiginiń baspasóz qyzmetine silteme jasap.
Astana qalasynyń Almaty aýdandyq soty elorda turǵynyn kásiporynnyń múlkin urlady degen aıyppen qylmystyq isti qarady.
2023 jylǵy 2 aqpanda Sh. esimdi azamat Sharbaqty kóshesindegi qoımaǵa zańsyz kirý jolymen kabel kanalynyń 12 qaqpaǵyn urlap, «Astana-AEK» AQ-ǵa 211 050 teńge kóleminde materıaldyq zııan keltirdi.
2023 jyldyń 17 naýryzyndaǵy sot úkimimen sottalýshy urlyq jasaǵany úshin kináli dep tanyldy. Oǵan májbúrli eńbekke tarta otyryp, eki jyl merzimge bas bostandyǵyn shekteý túrindegi jaza taǵaıyndaldy.