Elena Rybakına AQSh-tyń Maıamı qalasynda ótip jatqan júlde qory 8 800 000 dollardy quraıtyn WTA 1000 týrnıriniń shırek fınalyna shyqty.
Tórtinshi kezeńde Rybakına Elıze Mertenspen kezdesti. Qazirgi kezde belgııalyq tennısshi WTA reıtınginde 39 orynda turǵanymen, kezinde 12 satyǵa deıin kóterilgen. Hamont-Aheldiń týmasy 2018 jyly Aýstralııanyń ashyq birinshiliginiń jartylaı fınalynda oınasa, 2019 jáne 2020 jyldary US open dodasynyń shırek fınalyna deıin jetti. WTA týrnırlerin ol jeti ret utty. Bul básekeni óz paıdasyna sheshý jerlesimizge aıtarlyqtaı qıyndyq týǵyza qoıǵan joq. 1 saǵat 46 mınýtqa sozylǵan saıysta Elena 6:4, 6:3 esebimen jeńiske jetti.
Sóıtip, óz mansabynda tuńǵysh ret Maıamıdegi týrnırdiń shırek fınalyna deıin jetken Elena Rybakına osy mejede álemdik reıtıngte 24 satyǵa jaıǵasqan ıtalııalyq Martına Trevızanmen sheberlik baıqasady.