Májilistiń jalpy otyrysynda depýtattar Parlament Májilisiniń tóraǵasy qyzmetine Erlan Jaqanuly Qoshanovty biraýyzdan saılady, dep habarlaıdy Egemen.kz.
«Men «AMANAT» partııasynyń tóraǵasy Erlan Jaqanuly Qoshanovtyń kandıdatýrasyn usynamyn. Erlan Jaqanuly óńirlerde jumys istep, ózin kásibı memlekettik qyzmetker retinde kórsetti. Ol birinshi shaqyrylymdaǵy Senat depýtaty, Qaraǵandy oblysynyń ákimi, Prezıdent Ákimshiliginiń basshysy, sonymen qatar VII Májilis tóraǵasy, «AMANAT» partııasynyń tóraǵasy boldy», dedi Parlament Májilisiniń jalpy otyrysynda Májilis depýtaty Baqtyqoja Izmuhambetov.
Otyrys barysynda bir ǵana kandıdat usynyldy.
Sondaı-aq depýtattar Erlan Qoshanovtyń kandıdatýrasyna jasyryn daýys berýge arnalǵan bıýlleten berý týraly qaýly qabyldady.