Osydan bes aı buryn Aqmola oblysynyń Aqkól aýdanynda tamaq qaldyqtaryn óńdeıtin jańa joba iske qosylǵan edi. Onda fransýzdyq kompanııa organıkalyq qaldyqty shiritýge arnalǵan 5 birdeı elektrokomposter qurylǵysyn ornatty. Jylyna 125 tonna tamaq qaldyǵyn óńdeı alatyn zamanaýı qurylǵy Aqkól aýdanyndaǵy balalar úıine, ortalyq aýrýhanaǵa, ǵaryshtyq baılanys ortalyǵy keshenine jáne «Qamqor» áleýmettik qyzmet kórsetý ortalyǵynyń ǵımaratyna qoıyldy.
О́ńdelgen qaldyq kólemin baqylaýda ustap otyrǵan «Jasyl damý» AQ uıymy, joba iske qosylǵan ýaqyttan beri atqarylǵan jumystyń alǵashqy nátıjesi týraly habarlady. Bes aıdaǵy monıtorıng esebi boıynsha elektrokomposterler 5 tonna tamaq qaldyǵyn óńdep, odan 500 kg kompost (qarashirik) alǵan. Iаǵnı arnaıy qondyrǵyǵa salynatyn tamaq qaldyqtary qarashirikke aınaldyrylǵan. Daıyn qarashirik balalar úıi janyndaǵy baý-baqshaǵa tyńaıtqysh retinde paıdalanylatyn bolady.
«Budan bylaı tamaq qaldyqtaryn jerge kómip tastamaı, qorshaǵan ortaǵa qaýipsiz ári paıdaly materıalǵa aınaldyrý – ekologııalyq utymdy sheshimge aınalyp otyr. Árbir elektrokomposterdiń kúnine 50-den 100 kg deıin tamaq qaldyǵyn óńdeı alatyn qýatyn eskeretin bolsaq, óńdeý kólemin budan birneshe esege jetkizýge bolady eken. Alaıda jınalatyn tamaq qaldyǵynyń kólemine baılanysty osy nátıjeni kórsetip otyr», deıdi mamandar.
Esterińizge sala keteıik, tamaq qaldyqtaryn kádege jaratý boıynsha arnaıy qurylǵy ornatýdy qarjylandyrýǵa fransýz úkimeti 500 myń eýro grant bólýge sheshim qabyldaǵan bolatyn. Aqkól aýdanynda júzege asyrylyp jatqan joba aıasynda frnasýzdyq kompanııa men «Jasyl damý» AQ jáne jergilikti ákimdik ózara túsinistik jóninde úshjaqty memorandýmǵa qol qoıǵan. Qanatqaqty jobaǵa jyl tolǵanda qorytyndysy shyǵarylyp, barlyq erekshelikteri men júzege asyrylǵan tájirıbe egjeı-tegjeı jarııalanatyn bolady.