Sarqandaǵy sheberler ortalyǵy

Ult­tyq ónerdi jań­ǵyrtý men órkendetý maq­satynda «Al­­tyn adam» Je­tisý she­­berleri or­talyǵy kóp ju­mys atqardy. Buǵan deıin Tekeli qalasy men Pan­fı­lov, Kerbulaq, Aq­sý aýdandarynan fılıalyn ashqan ortalyq, byltyr Tekeli qalasynan múm­kin­digi shekteýli jandardyń qol­­ónerin damytatyn «Ma­­­manııa» mektebiniń she­ber­lik ortalyǵyn qurǵan edi. Endi, mine, kezek Sarqan qalasyna da kelip jetti.

– Qashanda jańa ıdeıalar men bastamalarǵa aýdan ákimdigi tarapynan qoldaý tanytyp ke­lemiz. Ásirese qoǵamnyń álsiz toby esep­teletin kópbalaly analar, múmkindigi shekteýli jandardy jiger­lendiretin bastamalar bol­sa, qýana quptaımyz. «Altyn adam» Jetisý sheberleri ortalyǵy «aýdan ortalyǵynan múm­kindigi shek­teýli jandarǵa ulttyq ónerdi úıretip, olar­­dyń jasaǵan, tikken buıym­daryn jurtqa kór­setip, elge qyz­met, qamkóńil jandarǵa demeý bersek» degen ótinish túsken soń, aýdan ákimimen birge mu­qııat qa­rap, bul usy­nysqa kómektesýdi jón kórdik. Sonymen aýdandyq Má­­denıet úıinen keń de ja­ryq ári jumys isteýge qo­laıly oryn daıyn­dap berdik. Endi osy jerde aýdan­­daǵy qolónerge qy­zyǵatyn jastar sheber­ler­den tálim alyp, ózde­riniń ónerin shyńdap, jurt­qa qyzmet ete­tin bolady, – dedi Sarqan aýdany áki­miniń orynbasary Almas Ajar­hanuly.

Usynystarynyń osy­laı tez sheshil­genine rıza­shylyǵyn bil­dir­gen «Altyn adam» Jetisý she­­ber­­leri or­talyǵynyń tóraıymy Dı­na­ra Bákirova aýdan basshylaryna al­ǵysyn bildirip, ortalyq quryl­ǵannan ber­gi 2 jylda atqarǵan ju­my­syna esep berip, aldaǵy josparlarymen tanystyrdy.

Osy rette «Altyn adam» Je­tisý sheberler or­ta­­­ly­ǵynyń Sar­qan aýdan­dyq fılıalynyń tór­­aıymy Kenjetaı Taza­be­kova jergilikti qol­óner­shilerdiń qazirgi kúnniń bá­­se­­kelestigine tótep, res­pýb­­­lı­kalyq, oblystyq baı­qaýlar da top jaryp júr­genin tilge tıek etti. Sol qa­tarda kópbalaly ana, jas qol­ónershi Nazı­gúl Ba­tyr­hanqyzynyń she­ber­ligin aı­ryqsha atap ketti.

Jetisý oblysy