Balýanǵa laıyq qurmet

Jerlesteri Muhıt Tursynovqa úsh bólmeli páter men «Kıa Rıo» avtokóligin syıǵa tartty

Mıllıondaǵan kórermendi tele­dıdarǵa telmirtip, barsha qazaq­stan­dyqtardy baýraǵan, Elbasy Nursultan Nazarbaevtyń júldesine arnalǵan «Qa­zaqstan barysy» týrnıriniń jeńim­pazy Muhıt Tursynovty shyǵys­qazaq­standyqtar áýejaıdan zor qoshemetpen qarsy aldy. О́s­ke­menniń halyqaralyq áýe­jaıy aldynda jıylǵan jurtta qısap joq. Termınaldan shyǵa beriste Muhıt bastaǵan saıypqyran ul­dardy óńir basshysy Berdibek Saparbaev bastaǵan qalyń qaýym ystyq yqylaspen quttyqtap jatsa, názıra qyzdar gúl shoqtaryn syılap, aq kımeshekti ájeler shashýlaryn shashty. «Qazaqtyń qanynan bólinbegen úsh óneri bar: alaman báıge, aıtys jáne qazaq kúresi» dep zańǵar jazýshy Muhtar Áýezov aıtqandaı, topy­raǵynda balýandyqtyń qunary bar, jerge qaratpas ba­lýan ulany bar Shyǵys – ejel­den balýandarǵa baı ólke. Son­dyqtan Janádil Ataev, Toqan Bazarhanov, Samat Ramazanov, Dáýlet Turlyhanov syndy dańqty balýandar tárbıelegen óńirdiń bıyl ekinshi márte «Qa­zaqstan barysy» ataǵyn jeńip alýy zańdylyq. Sport ardageri, erkin kúresten KSRO sport sheberi, KSRO eńbek sińirgen jat­tyqtyrýshysy To­qan Bazarhanov dúbirli dodada el mereıin tasytqan Muhıtty qu­shaǵyna qysty. Dúnıejúzilik qazaq kúresi federa­sııa­synyń prezıdenti Serik Tókeev shyǵys­qazaqstandyqtardy jeńisimen quttyqtaı otyryp, qazaq kúresiniń qanatyn keńge jaıyp kele jatqanyn jetkizdi. Budan soń «Qazaqstan barysy – 2014» jeńimpazyn ortaǵa alǵan qaýym ob­lys ortalyǵyndaǵy hakim Abaıdyń eskert­kishine taǵzym etip, gúl shoqtaryn qoıdy. Balýanǵa qurmet kórsetý sharasy odan ári Ertis ózeniniń jaǵasyndaǵy amfıteatrda jal­ǵasty. – Balýan Sholaq, Imanjúsip, Qajymuqan atalarymyz salǵan sara joldy Shalqar Jolamanov, Aıbek Nuǵymarov syndy baýyrlarymyz jalǵastyryp, el mereıin ústem etti. Mine, endi Muhıt Tursynov Shyǵystyń dańqyn Qazaqstanǵa, teledıdar arqyly tamashalaǵan júzge jýyq elderge pash etti. Prezıdent júldesi úshin tórtinshi ret ótken «Qazaqstan barysy» týrnırine tańdaýly degen 28 balýan qa­tysty. Muhıt baýyrymyz Abaı men Shákárimniń, Muhtardyń, Qasymnyń týǵan jeriniń abyroıyn asqaqtatty. Bul – óńirimiz úshin ekinshi jeńis! Byltyr Aıbek jeńispen oralsa, onyń aldynda Aıbek – kúmis, Shalqar – qola bel­beý ıegeri atanǵany esimizde. Iаǵnı, Shyǵys eliniń qasıetti jer ekenin, óńirden shyqqan azamattardy ár ýaqytta ata-babalardyń arýaqtary qoldap júretinin kóremiz, – dedi aımaq basshysy Berdibek Saparbaev. Aımaq basshysy «Qazaqstan ­barysy» týrnıriniń jeńimpazy Muhıt Tursynovqa Semeı qala­synan úsh ból­meli páter men sý jańa otandyq «Kıa­ Rıo» avtokóliginiń kiltin syıla­dy. FILA halyqaralyq kúres túrleri qaýymdastyǵynyń komıtet tóraǵasy Gıntaýtas Vıleıta da aqjarma tilegin aqtardy. – Sportshylaryńyz bıik óner kórsetti. Kezdeısoq eshteńe joq. Bul – zańdylyq. Jarystan soń teledıdardy qossam, Prezıdenttiń Shyǵys Qazaqstanǵa jasaǵan jumys saparyn kórsetip jatyr eken. Elbasy óńirdegi jumystardy oń baǵalady. Ásirese, sportqa úlken kóńil bólingenin baıqadym. Shyǵys – batyrlardyń ólkesi. Bul jigitterdi kórgen urpaq búgin-aq sport seksııalaryna jazyla bas­taıdy. Men keleshekte Qazaqstan­dy damyǵan 30 eldiń sapynda sporty da jolǵa qoıylǵan el retinde elestetemin, – degen G.Vıleıta 2017 jyly jekpe-jek ónerinen búkilálemdik oıyndar ótetinin, onda sporttyń 20 túrinen saıys bolatynyn, onyń ishinde qazaq kúresi de bar ekenin jetkizdi. Osy jarystyń aldynda, ıaǵnı 2016 jyly qurlyqtyq jáne álemdik chempıonatqa irikteý oıyndaryn О́skemende ótkizýdi usyndy. Balýannyń ákesi ári bapkeri Shyńǵys Tursynov Muhıttyń 11 jasynan bastap kilemge shyqqanyn, 14 jyl boıy kúrespen aınalysyp kele jatqanyn, jeńimpaz bolǵanyna erekshe qýanyshty ekendigin atap ótti. Al temir bilekti, qaısar júrekti Muhıt Tur­synov ózine úlken qol­daý kórsetken jer­lesterine, óńir bas­shysy Berdibek Sapar­baevqa, dene­­shynyqtyrý jáne sport bas­­­­qar­­­masynyń basshysy Ábil Dóń­baıǵa, Semeı memlekettik medısına ýnı­versıtetiniń rektory Tólebaı Rahypbekovke jáne jattyq­ty­rý­shylarǵa rızashylyǵyn bildirdi. – Aıbek pen Shalqar aǵalarym­­­­nyń jeńisti jolyn jalǵas­ty­rý ońaıǵa túsken joq. Qarsy­las­­ta­rym­nyń barlyǵy bir-bir óńirdiń­ týyn kóte­rip kelgen biregeı ­ba­lýan­­­dar. О́tken jyly Semeı, bıyl Zaısan qalasynda ótken ha­lyq­­­tyq sport oıyndarynda «Qa­zaq­­­stan barysy» týrnı­rine jolda­ma alǵan balýandarǵa zor qurmet kór­­se­tilip, el-jurt aq batasyn berip shyǵaryp saldy. Týǵan elimniń­­ tileginiń arqasynda jeńiske jet­­tim. Endi «Eýrazııa barysy», Azııa chempıonaty syn­dy jarys­tar­ǵa ázirlenemin, – dedi Muhıt Tursynov. Balýanyn ardaqtaǵan kesh sońy merekelik konsertpen jalǵasty. Muhıttyń boz kilemdegi jeńisti sátteri kórinis tapqan fotosýretterdi qushaqtaǵan jasóspirim balalardyń qoltańbaǵa talasyp jatýy qazaq kúresiniń jańa turpatqa ıe bolǵanyn taǵy da aıshyqtaı túskendeı! Dýman ANASh, «Egemen Qazaqstan». О́SKEMEN. Sýretterdi túsirgen Esimhan ORYNBAEV.