Aqparattar aǵyny

 Úkimet agroónerkásip keshenine jyl sońyna deıin 50 mlrd. teńge ınvestısııa tartýdy  josparlap otyr. Bul týraly aıtqan Ekonomıka jáne bıýdjettik josparlaý mınıstri Erbolat Dosaevtyń málimetine qaraǵanda, salany qarjylyq saýyqtyrý baǵytynda sońǵy úsh aıda 170 mlrd. teńgeden astam somaǵa 172 qaryz alýshynyń ótinimderi maquldanǵan. Búgingi tańda munda 13 mlrd. teńgeni quraıtyn 20 ınvestısııalyq joba paıdalanýǵa berilgen.  Qazaqstan jyl aıaǵyna deıin eksportqa 10 myń tonna joǵary sapaly iri qara etin jóneltedi. Aýyl sharýashylyǵy mınıstri Asyljan Mamytbekov joba­nyń 2011 jyly Elbasy tap­syrmasyna sáıkes jasalǵanyn, onyń 2012 jyldan beri júzege asyrylyp kele jatqanyn jetkizdi. «Qazirgi kezge 1 myń 350 tonna et eksportqa jibe­rildi», dedi ol.  Almaty qalasynda elimiz­degi tuńǵysh túngi velojarys ótedi. Astana kúnine oraı uıym­das­tyrylǵaly turǵan sharany qala ákimdigi qolǵa aldy. Túngi velojarys 4 shilde kúni keshki saǵat 22:00-de Ál-Farabı dańǵyly men Táttimbet kóshesiniń qıylysynan bas­talady.  Shyǵys Qazaqstanda sút óńdeýshi kásiporyndarǵa 467 mln. teńge qarjy bó­li­nedi. «Ag­ro­bıznes-2020» baǵ­darlamasy sheńberinde qol­ǵa alynǵan bul qanatqaqty joba shıkizat baǵa­synyń qymbattyǵyna baılanysty týyndaǵan problemalardy sheshýge kómektesedi.  Qyzylorda oblysynyń prokýratýrasy bıylǵy 5 aıda alaıaqtyq deregimen 452 qyl­mys­tyq is qozǵady. Búginde bular­dyń 191-i sotqa jiberilgen. Ob­lystyq prokýratýra baspasóz qyzmetiniń baıan­daýynsha, 114 fak­tide alaıaqtar «nesıe alýǵa kómek­tesemin» dep jurtty aldasa, 75-inde qoljetimdi baǵamen ıpotekalyq nesıe alyp berýge ýáde etken.  Pavlodarda jalǵa be­ri­letin turǵyn úı qury­lysy bastaldy. «Qazaqstan Ipotekalyq Kompanııasy» IU» AQ jalpy alańy 9 457,92 sharshy metrlik kóp pá­terli turǵyn úı qurylysyn qarjylandyrady. Jaılylyǵy tórtinshi klasty 9 qabatty tur­ǵyn úıdi qarjylandyrýdyń jalpy somasy 870 mln. teńgeni quraıdy.  Qostanaı oblysynda tórtinshi ret jastar kúni ata­lyp ótti. Oǵan maýsym aıy­nyń sońǵy úsh kúni arnaldy. Or­ta­lyq stadıonda kerýen kergen sherýge sportshylar, ánshiler, pedagogıkalyq jasaqtar, jastar uıymdarynyń jáne iri ónerkásip oryndarynyń qyz­met­kerleri qatysty. «QazAqparat», Altaynews.kz, Alau.kz, Egemen.kz agenttikteri  saıttarynyń derekteri boıynsha daıyndaldy.