Oqý-aǵartý mınıstrligine birqatar qosymsha quzyret berilýi múmkin. Tıisti Úkimet qaýlysy kópshilik talqylaýyna shyǵaryldy, dep habarlaıdy Egemen.kz.
Jańa ózgeriske saı, endi mınıstrlikke myna quzyretter berilýi múmkin:
– 12 jastan 35 jasqa deıingi balalar men jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý qaǵıdalaryn bekitý;
– 14 jastan 35 jasqa deıingi balalar men jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý jónindegi is-sharalardy júzege asyratyn uıymdy aıqyndaý;
– memlekettik bilim berý uıymdary qyzmetkerleriniń úlgilik shtattaryn aıqyndaý;
– tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdaryna oqýǵa túsý kezinde qabyldaý kvotasynyń mólsherin bekitý;
– eńbek naryǵynyń qajettilikterin eskere otyryp, respýblıkalyq bıýdjetten qarjylandyrylatyn bilim berý uıymdarynda, sondaı-aq tehnıkalyq jáne kásiptik, orta bilimnen keıingi bilimi bar kadrlardy daıarlaýǵa memlekettik bilim berý tapsyrysyn bekitý;
– «О́rken» grantyn berý qaǵıdalaryn jáne onyń mólsherin bekitý;
– akkredıtteý organdaryna, onyń ishinde sheteldik akkredıttelgen organdaryna qoıylatyn taný qaǵıdalaryn bekitedi. Tanylǵan akkredıtteý organdarynyń, akkredıttelgen bilim berý uıymdary men bilim berý baǵdarlamalarynyń tizilimin, sondaı-aq olardy oǵan engizý, toqtata turý jáne odan shyǵarý negizderin qalyptastyrý jáne bekitý;
– mektepke deıingi, orta, tehnıkalyq jáne kásiptik, orta bilimnen keıingi bilim berý uıymdaryn damytý baǵdarlamasynyń qurylymy jáne ony ázirleý qaǵıdalaryn bekitý.
Mınıstrlik túsindirmesine saı, bul quzyretterdi berý – bilim salasyn odan ári damytýǵa jáne onyń sapasyn arttyrýǵa yqpal etedi.
Atalǵan Qaýly 12 sáýirge deıin kópshilik talqylaýda bolady.