Qazaqstandyq gımnast Zeınolla Ydyrysov Túrkııanyń Antalıa qalasynda jasóspirimder arasynda ótip jatqan álem chempıonatynda qola júldeger atandy, dep habarlaıdy Egemen.kz.
«Sportty damytý dıreksııasy» RMQK baspasóz qyzmeti habarlaǵandaı, Z.Ydyrysov at snarıadynda 14.066 balmen úzdik úshtikke ilikti.
Atalǵan jarysta armenııalyq sportshylar alǵa ozdy. Gamlet Manýkıan (14.633) chempıon atansa, Mamıkon Hachatýrıan (14.100) kúmis júldege ıe boldy.
Aıta ketsek, bul – Qazaqstan sportshylarynyń gımnastıka tarıhynda jasóspirimder arasynda álem chempıonatyndaǵy alǵashqy medali.
Antalıadaǵy álem birinshiligi búgin, 2 sáýirde aıaqtalady.