Naýryz aıynyń 24-26 aralyǵynda О́zbekstan respýblıkasynyń Namangan qalasynda velosporttan erler men áıelder arasynda «Silk Road Namangan» halyqaralyq týrnıri ótti. Saıysqa barlyǵy 60 sheteldik jáne 60 ózbekstandyq sportshylar qatysty.
Jarystyń 3-kúni mańǵystaýlyq Dmıtrıı Noskov «Vybyvanıe» baǵdarlamasy boıynsha 2-oryn ıelense, osy baǵdarlamada 1 jáne 3-oryndardy reseılik Kırıll Malıkov pen Aleksandr Ivanov ıelendi. Mańǵystaýdan barǵan veloshabandoz Dmıtrıı Noskov «Komandnaıa gonka presledovanııa» baǵdarlamasynda da 3-oryn ıelenip, saıystan elge júldemen oraldy. Týrnır óz jeńimpazdaryna Parıjdegi «AI-2024» dodasyna qatysý úshin halyqaralyq reıtıngtik upaılardy jeńip alýǵa múmkindik beredi.
Mańǵystaý oblysy