Jýyrda Aqordada Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy M.Tájınniń tóraǵalyǵymen ulttyq qaýipsizdik strategııasynyń máseleleri boıynsha vedomstvoaralyq komıssııanyń otyrysy boldy.
Reıderlikke qarsy áreket máseleleri jóninde Bas Prokýror Q.Mámı jáne Joǵarǵy Sottyń Tóraǵasy M.Álimbekov baıandamalar jasady.
Otyrysqa qatysýshylar reıderlikke qarsy arnaýly zań ázirleýdiń oryndylyǵy, reıderlikke qarsy turý jóninde naqty sharalardyń qajettiligi týraly pikir almasty.
Ekologııalyq qaýipsizdiktiń jaı-kúıi týraly Qorshaǵan ortany qorǵaý mınıstri N.Áshimov habarlama jasady.
M.Tájın tabıǵat qorǵaý salasyndaǵy barlyq máselege qatysty jańa ekologııalyq-ekonomıkalyq kózqaras ázirleý qajettigin atap ótti.
Talqylaý qorytyndylary boıynsha tıisti memlekettik organdarǵa reıderlikke qarsy turý jáne qorshaǵan ortany qorǵaý jónindegi qyzmetti jetildirý turǵysynda yqpaldy quqyqtyq tetik qurý jóninde naqty tapsyrmalar berildi.
Otyrysta berilgen tapsyrmalardy oryndaýdy baqylaý Qazaqstan Respýblıkasy Qaýipsizdik Keńesiniń hatshylyǵyna júkteldi.