Jer keýip, kún jylynysymen qorshaǵan ortany qoqystan tazartý jumystary qarqyn alatyndyǵy belgili. Sonyń arqasynda aýyl-aımaqtyń sáni kirip, ajarlana túsedi. О́tken senbide kóktemgi naýqandyq jumysqa Almaty oblysynyń jurtshylyǵy da jumyla kiristi.
– Oblys kóleminde ótkizilgen kezekti senbilik jumystaryna 8 031 jergilikti atqarýshy jáne ortalyq memlekettik organ qyzmetkerleri, 7 myńnan astam kásiporyn men uıym ókilderi, 1 767 erikti men 32 533 oblys turǵyny qatysty, dep habarlaıdy óńirlik baspasóz qyzmeti.
«Jumyla kótergen júk jeńil» demekshi, jalpy sany 50 myńǵa taıaý azamat atsalysqan senbilik nátıjesinde 1 526 gektar aýmaq tazartylyp, 1 297 tonna qoqys jınalyp, onyń 8 tonnasy qaıta óńdeýge jiberildi. Aımaq tazalyǵyna óńir boıynsha 260 tehnıka jumyldyryldy.
Sonymen qatar eldi mekender sheginde 286 gektar jerge 13 546 túp kóshet otyrǵyzyldy.
Almaty oblysy