Altynǵa qol jetkize almady

Anadoly elinde Qazaqstannyń namysyn 19 balýan qorǵady. Olar­dyń arasynan tek Nurqanat Serikbaevqa ǵana (60 kg) júldegerler qatarynan kóriný baqyty buıyrdy. Jarystyń irikteý básekelerin V tobynan bastaǵan 2022 jylǵy jastar arasyndaǵy Azııa chempıony Nurqanat Serikbaev alǵashqy beldesýinde mońǵolııalyq Sogt-Ochır Bıambadjavty jeńse, ekinshi aınalymda álem chempıonatynyń eki dúrkin qola júldegeri, 2014 jylǵy Azııa oıyn­darynyń úshinshi oryn ıegeri ońtús­tikkoreıalyq Von Djın Kımdi jarys jolynan yǵystyrdy. Al shırek fınalda jastar arasyndaǵy Eýropa chempıony ázerbaıjandyq Nazır Talıbovtan basym túskenimen, jartylaı fınalda ýkraınalyq Dılshod Halmatovtan aılasyn asyra almady.

Al qola júlde úshin ótken beldesýde mońǵolııalyq Enhtaıvanı Arıýnboldty 1 mınýttyń ishinde taza ádispen jeńip, qola medaldy moınynda jarqyratty. Bul – Nurqanattyń «Grand Slam» ja­rystaryndaǵy ekinshi júldesi. Ol osyǵan deıin Tashkentte ótken álemdik dodada kúmis júldeger atanǵan bolatyn. Sondaı-aq 60 kıloda óner kórsetken taǵy bir otandasymyz Sherzod Davlatov 7-orynǵa taban tiredi.

Sonymen qatar 66 kılo salmaqta beldesken Ǵusman Qyrǵyzbaev pen 100 kıloda synǵa túsken Nurlyhan Shar­han júldeli oryndarǵa synyq súıem qalǵanda súrindi. Ǵ.Qyrǵyzbaev qola medal úshin bolǵan beldesýde brazılııalyq Vıllıan Lımaǵa golden-skorda ese jiberse, N.Sharhan hor­vatııalyq Boıan Dosennan jeńilip qaldy.

О́zge otandastarymyzdyń nátı­je­lerine toqtalar bolsaq, Eset Qýa­nov (66 kg), Darhan Qoıbaǵarov (73 kg), Rýslan Musaev, Abylaıhan Ju­banazar (81 kg), Aıdar Arapov (90 kg) úshin­shi aına­lymǵa deıin jetse, Da­nııar Sham­shaev (73 kg), Dıdar Hamza (90 kg), Bek­arys Sádýaqas (100 kg), Ǵa­lym­jan Qy­ryqbaı (+100 kg) jáne Ádil Orazbaev (+ 100 kg) alǵashqy aınalymda súrindi.

Al áıelder arasynda 70 kıloda beldesken Anastasııa Maıakova ekinshi, Ǵalııa Tynbaeva (48 kg), Baqyt Qusaqbaeva (57 kg), Roza Nysantaeva (70 kg) jáne Ká­mıla Berliqash (+78 kg) birinshi aınalymnan asa alǵan joq.