Kelesi aıda Ońtústik Afrıka Respýblıkasynyń bas shahary – Dýrbanda jalaýy jelbireıtin ústel tennısinen jekeleı syndaǵy álem chempıonatyna qatysatyn Qazaqstan quramasynyń qatary tolyqty.
Keshe Halyqaralyq ústel tennısi federasııasy (ITTF) jerlesterimiz – Denıs Jolýdev/Saǵyntaı Qurmambaev jáne Záýresh Aqasheva/Anastasııa Lavrovanyń juptyq synda baq synaıtynyn habarlady.
Qańtar aıynda Dohada (Qatar) ótken Azııa qurlyǵynyń irikteý kezeńinde úzdik shyqqan ulttyq qurama ókilderinen Kırıll Gerasımenko (jekeleı jáne juptyq synda), Alan Qurmanǵalıev (juptyq syn), Aıdos Kenjeǵulov (aralas juptyq syn), Záýresh Aqasheva (aralas juptyq syn) jyldyń basty básekesine joldama jeńip alǵan bolatyn.
Bıylǵy álem chempıonaty 20-28 mamyr aralyǵynda ótedi. Bul –1939 jyldan keıin Afrıka qurlyǵynda ótetin alǵashqy álem chempıonaty. Osymen 57-ret uıymdastyrylatyn álemdik dodada jalpy bes júlde jıyntyǵy sarapqa salynady.