Quryq boılamaǵan qýlyq

Jurttyń «qarjyńdy eselep be­re­miz», «tıimdi shartpen taýar neme­se­ nesıe alýǵa múmkindigińiz bar» de­­gende qulaı túsetinin bilip eldiń tap­qan-taıanǵanyn sypyryp alyp otyr­ǵandardyń deni shekaranyń arǵy ja­ǵyndaǵylar. Odan qaldy polısııa­ qyzmetkeri bolyp «ja­qy­nyńyz qylmys jasady, mynadaı kó­lemde aqsha berseńiz, máseleni yń-shyń­syz sheshemiz» dep te telefon shala­tyn­dar bar.

Oblystyq polısııa departamenti krımınaldy polısııa basqarmasy bastyǵynyń orynbasary Rýstam Saıdildınov qazir ınternet alaıaqtyq álemdi ábigerge salyp otyrǵan másele ekendigin aıtady.

– Jyl basynan bergi alaıaqtyq qylmystar kórsetkishi ótken jylmen salystyrǵanda 64 paıyzǵa tómendegen. Eki aıdaǵy tirkelgen 29 derektiń 23-i ınternet alaıaqtyqqa qatysty bolyp otyr. Bul baǵyttaǵy qylmys jasaǵan jandy tabý qıyn, anyqtalǵanmen de jeli arqyly jasalǵan shym-shytyryq shyrǵalańnyń shetine shyǵý ońaı emes. Sondyqtan da tergeý jumystary uzaqqa sozylady.

Halyq ınternettegi alaıaqtarǵa aldanyp qalmaýy úshin Qarjy naryǵyn retteý jáne damytý agenttigi IIM-niń óńirlik departamentterimen birlesip «Fingramota.kz» ataýymen resmı saıt ázirlenip, kópshilik nazaryna usynyp otyr. Kúndelikti áleýmettik jelilerde túsindirmelik maqalalar men profılaktıkalyq beınerolıkter jarııalaımyz. Mundaı qylmysty boldyrmaýdyń basty joly – muqııattylyq. Turǵyndardan jeke kýálik derekterin, tólem kartalary málimetterin paıdalanýda abaı bolýǵa shaqyramyz, – deıdi ol.

Oblys boıynsha jyl basynan beri tirkelgen 29 derektiń onyna qatysty tergeý amaldary aıaqtalyp, sotqa joldanypty.

Esterińizge sala keteıik, «Fing­ramota.kz» aqparattyq-túsindirme saıty – Qarjy naryǵyn retteý­ jáne damytý agenttiginiń ha­lyq­tyń qarjylyq saýatyn arttyrý­ maqsatynda iske qosqan jo­ba­­la­­rynyń biri. Qarjy jańalyq­tary, oqytý rolıkteri, beıneli aq­parattyq grafıkasy jáne qarjylyq saýattylyq boıynsha basqa da aq­pa­­raty bar biregeı alań qarjylyq saýat deńgeıi jáne qarjylyq múm­kindikteri ártúrli aýqymdy aýdı­to­rııa­ǵa arnalǵan.

QYZYLORDA