Jer telimderi jiti nazarda

Astana qalasynyń prokýra­týrasy jer qatynastary salasyn­daǵy zańdylyqty saqtaý boıynsha turaqty negizde sharalar qabyldaıdy. 2012 jylǵy 11 sáýirde ótkizilgen «Astana qalasyn odan ári damytý jónindegi sharalar týraly» keńeıtilgen keńeste Memleket basshysynyń bergen tapsyrmalaryn oryndaý maqsatynda Astana qalasynyń prokýratýrasy jan-jaqty tekserister júrgizdi. Memleket basshysynyń joǵa­ryda kórsetilgen tapsyrmalaryn oryndaý úshin Astana qalasy prokýrorynyń ókimimen qala prokýratýrasy organdary men jergilikti atqarýshy organdarynyń basshylary jáne jaýapty qyzmetkerler qatarynan joǵaryda kórsetilgen tekserýlerdi júrgizý boıynsha jumys toby quryldy. Osy tekserý sheńberinde ıgeril­megen jer telimderin anyqtaý jáne memleket menshigine olardy qaıtarý boıynsha sharalardy qabyldaýǵa erekshe nazar bólindi. Sonymen, qala prokýratýrasy kadastrlyq quny 909,6 mlrd.teńge aýdany 15,3 myń gektar 828 ıgerilmegen jer telimin anyqtady. Onyń ishinen 129 jer telimi (aýdany 4,8 myń ga, kadastrlyq quny 394,3 mlrd.teńge) memleket menshigine qaıtaryldy. Al 67 jer ıeleri (aýdany 2,1 myń ga, kadastrlyq quny 132,2 mlrd.teńge) óz jer telimderin ıgerýge kiristi. Bul osy baǵytta júrgizilgen jumystardyń sózsiz oń nátıjesi bolyp tabylady. Qalǵan jer telimderi boıynsha, ıaǵnı olardy ıgerýge baqylaý jasaý baǵytynda jumystar júrgizilýde, olardy maqsatty qoldanbaǵan jaǵdaıda memleket menshigine qaıtarýǵa sharalar qabyldanatyn bolady. Mysaly, tekserý barysynda aýyl sharýashylyǵy maqsatyndaǵy jerlerdi (21 jer telimi, aýdany 5 940 ga, kadastrlyq quny 272 801 374 097 teńge) «Maman spesıalıst» AQ jeke tulǵalary M.B.Beı­­­sembaevtyń (1 jer telimi, aýdany 299,1 ga, kadastrlyq quny teńgemen), K.S.Beısenovtyń (1 jer telimi, aýdany 128,0 ga, kadastrlyq quny teńgemen), M.Jaqypbekovtiń (1 jer telimi, aýdany 39,4 ga, kadastrlyq quny 1 316 748 000 teńge) zańsyz ıelený boıynsha 3 faktisi anyqtaldy. Prokýratýra organdary joǵa­­­ryda kórsetilgen jer telim­derin memleket menshigine qaıtarý týraly­ talap-aryz engizdi, ol qazirgi kúni qanaǵat­tan­dyryldy jáne kadastr­lyq quny 275 mlrd. teńge tura­tyn jalpy aýdany 6 367 ga 24 jer telimi memleket menshi­­gine qaıta­ryldy, dep habarlady Asta­na qalasy prokýratýrasynyń baspasóz qyzmeti.