24 mamyr – 24 maýsym aralyǵynda Aqtaýda HII jazǵy QR joǵary oqý oryndary stýdentteriniń Ýnıversıadasy ótedi, dep habarlaıdy Egemen.kz.
Bıylǵy Ýnıversıada QR Ǵylym jáne joǵary bilim mınıstrliginiń qoldaýymen, Yessenov University uıymdastyrýymen alǵash ret ótkizilmek.
Uıymdastyrýshy ýnıversıtet prezıdenti B.B.Ahmetovtyń aıtýynsha, burynǵy Ýnıversıadalar sport túrleri boıynsha úsh-tórt qalany qamtıtyn bolsa, Aqtau-2023 ýnıversıadasynda 17 sport túrinen 20 jarystyń bári Aqtaýda qalasynda ótedi.
«Sonymen qatar aldyńǵy ýnıversıada baǵdarlamasynda 30-dan asa sport túri bolsa, qazir olar 17-ge deıin yqshamdalyp, eń negizgi sport túrleri ǵana tańdalǵan. Iаǵnı ýnıversıtetterdegi sportshylardyń kóp aınalysatyn sport túrleriniń beıinine qaraı, Ulttyq ǵylymı-praktıkalyq dene tárbıesi ortalyǵymen birlese otyryp, Dúnıejúzilik ýnıversıadanyń baǵdarlamasyna basymdyq beriligen», delingen mınıstrlik habarlamasynda.
Jarys túrlerin uıymdastyrý boıynsha:
Sambo, grek-rım kúresi, dzıýdo jáne erkin kúres, jeńil atletıka túrleri «Mańǵystaý-Arena» sport saraıynda ótedi.
Basketbol, voleıbol, fýtzal men boks «Halyq-Arena» sport saraıynda ótedi. Bul ortalyqta tennıs jáne badmınton saıystaryn uıymdastyrýǵa da múmkindik bar.
«Arystan-Arena» sport kesheninde júzý, al qalǵan sport túrleri Yessenov Sport Club stýdenttik kesheninde ótedi.
Ýnıversıadanyń ashylý saltanaty 5 maýsym kúni «Munaıshy» stadıonynda jáne jabylý saltanaty 24 maýsym kúni «Mańǵystaý-Arena» sport kesheninde ótedi.