Qańtar oqıǵasyna baılanysty kúdikke ilingen Arman Jumageldıevti qamaýda ustaý merzimi 7 maýsymǵa deıin uzartyldy, dep habarlaıdy Egemen.kz.
«Almaty qalasynyń mamandandyrylǵan aýdanaralyq tergeý sotynyń 2023 jylǵy 6 sáýirdegi habarlamasy boıynsha, sot qaýlysymen tergeý organynyń ótinishi qanaǵattandyryldy. A.Jumageldıevke qatysty qylmystyq is materıaldarymen tanysý kezeńinde qamaý merzimin 2 aıǵa, ıaǵnı 2023 jylǵy 7 maýsymǵa deıin uzartýǵa sanksııa berildi», delingen resmı habarlamada.
Esterińizge sala keteıik, Arman Jumageldıevke 2022 jylǵy qańtar aıynyń basynda qarýdy zańsyz saqtaǵany jáne jappaı tártipsizdik uıymdastyrǵany úshin aıyp taǵylyp otyr.