Kásipqoı boks sharshy alańynda judyryqtasyp júrgen jerlesterimiz – Ábilhan Amanqul (2-0, 2 KO) men Bek Nurmaǵanbet (8-0, 6 KO) kezekti jekpe-jekterin AQSh-ta ótkizedi.
Áýesqoı boksta birtalaı tabysqa jetip, jankúıerlerine qýanysh syılaǵan jerlesterimiz kásipqoı boksta da sátti óner kórsetip keledi. Byltyr eki otandasymyz da eki jekpe-jek ótkizip, ekeýinde de aıqyn basymdyqpen jeńiske jetken. Al bul aıqas olardyń bıylǵy birinshi kezdesýleri bolmaq.
«Suleimen Promotions» baspasóz qyzmetiniń málimeti boıynsha, otandastarymyz 15 sáýir kúni AQSh-tyń Pomona (Kalıfornııa) qalasynda uıymdastyrylatyn boks keshinde sharshy alańǵa shyǵady. Atalǵan jekpe-jek keshinde ekinshi orta salmaqta judyryqtasatyn 25 jastaǵy Á.Amanqul meksıkalyq Danıel Echeverrıamen (21-11, 18 KO) kezdesedi. Aıqas segiz raýndqa josparlanǵan. Al ekinshi orta salmaqtaǵy taǵy bir otandasymyz Bek Nurmaǵanbet 36 jastaǵy Venesýela ókili Eber Rondonmen (20-3, 13 KO) qolǵap túıistiredi. Bul jekpe-jek te segiz raýnd dep belgilenip otyr.