Premer-mınıstr Álıhan Smaıylov ortalyq memlekettik organdar, Bas prokýratýra, BQDA, QMA jáne basqa da vedomstvolar basshylyǵynyń qatysýymen Ekonomıkany demonopolızasııalaý jónindegi komıssııanyń kezekti otyrysyn ótkizdi, dep habarlaıdy Egemen.kz Úkimet basshysynyń baspasóz qyzmetine silteme jasap.
Qatysýshylar munaı-gaz salasynyń mańyzdy ınfraqurylymdyq obektilerin memleket menshigine qaıtarý barysyn, temirjol júk tasymaly naryǵyndaǵy jasandy monopolııalardy joıý jónindegi sharalardy jáne astyq tasymaldaý naryǵy sýbektileriniń jaýapkershiligin arttyrý tetikterin talqylady.
Premer-mınıstr aldaǵy ýaqytta naqty ekonomıkalyq nátıjelerge qol jetkizý úshin bastalǵan ister boıynsha rásimderdi jáne jalpy ekonomıkanyń negizgi sektorlaryn demonopolızasııalaý qarqynyn jedeldetýdiń mańyzyn atap ótti.