ASTANA. 3 shilde. Tuńǵysh Prezıdent murajaıynda «Nur Otan» partııasy qataryna azamattardy dástúrli qabyldaý rásimi uıymdastyryldy. Bul týraly «QazAqparat» habarlady.
Astana kúnine oraılastyra ótkizilgen bul shara barysynda azamattarǵa partııa bıletterin «Nur Otan» partııasy Tóraǵasynyń birinshi orynbasary Baýyrjan Baıbek tabystady.
Baýyrjan Baıbek: «Partııa Tóraǵasy barlyq nurotandyqtardy saıası kóshbasshylyqty kúndelikti iste dáleldep, qoǵam ómiriniń barlyq baǵyttarynda aldyńǵy orynda bolýymyzdy mindettegen. Sizder de osy senimniń údesinen tolyqtaı shyǵasyzdar degen úmittemin!», – dedi.
Partııa qataryna ótkenderdiń arasynda belgili sáýletshi, Memlekettik Eltańbanyń avtory Jandarbek Málibekuly, respýblıkalyq birqatar aıtystardyń jeńimpazy Birjan Baıtýov, «Qazaqstan Barysy» týrnıriniń 2013 jylǵy jeńimpazy Aıbek Nuǵymarov jáne basqa da birqatar adamdar bar.
Joldybaı Bazar.
Derekkóz: QazAqparat».
Foto: QazAqparat».