Áleýmettik jelilerde 9 sáýirde ruqsat etilmegen mıtıngilerdi ótkizýge jáne qatysýǵa shaqyrýlar tarap jatyr, dep habarlaıdy Egemen.kz.
Bas prokýratýra mundaı aksııalardy uıymdastyrǵany jáne qatysqany úshin zań júzinde jaýapqa tartylatyny týraly birneshe ret eskertti.
«Qoǵamdyq tártipti, halyqtyń ómiri men densaýlyǵynyń qaýipsizdigin qamtamasyz etý, azamattardyń quqyqtary men bostandyqtaryn saqtaý - bizdiń basty basymdyqtarymyz.
Sondyqtan «Qazaqstan Respýblıkasynda beıbit jınalystardy, mıtıngilerdi, sherýlerdi, pıketter men demonstrasııalardy uıymdastyrý jáne ótkizý tártibi týraly» Zańnyń normalaryn saqtaý qajettiligine jáne olardy buzýǵa jol bermeýge taǵy da nazar aýdaramyz», delingen habarlamada.
Buqaralyq jarııa is-sharalar aldyn ala habardar etýmen jáne osy úshin arnaıy bólingen oryndarda jergilikti atqarýshy organdardyń ruqsatyn alýmen halyqtyń tirshiligin qamtamasyz etý obektileriniń qalypty jumys isteýine kedergilerdi boldyrmaıtyn sharalardy qabyldaı otyryp, júrgizilýge tıis.
Kórsetilgen normalar saqtalmaǵan jaǵdaıda kez kelgen jarııa shaqyrýlar zańsyz dep tanylady. Quqyq buzýshylarǵa qatysty quqyq qorǵaý organdary ákimshilik jáne qylmystyq-quqyqtyq sharalar qabyldaıdy.
Atap aıtqanda, zań talaptaryn (3-baptyń 3-tarmaǵy) buza otyryp ótkiziletin mıtıngilerdi, sherýlerdi, jınalystardy nemese demonstrasııalardy uıymdastyrý jáne olarǵa qatysý quqyqqa qaıshy jáne Ákimshilik quqyqbuzýshylyq týraly kodekstiń 488-baby boıynsha 25 táýlikke qamaqqa alýǵa deıin ákimshilik jaýaptylyqqa tartylady.
Osy áreketterdiń nátıjesinde eleýli zalal keltirgeni úshin kináliler Qylmystyq kodekstiń 400-baby boıynsha aıyppul ne 200 aılyq eseptik kórsetkish mólsherinde túzeý jumystary nemese 200 saǵatqa deıingi merzimge qoǵamdyq jumystarǵa tartý ne 50 táýlikke deıingi merzimge qamaqqa alý túrinde qylmystyq jaýaptylyqqa tartylady.
Osyǵan baılanysty, Bas prokýratýra qoldanystaǵy zańnamanyń normalaryn múltiksiz saqtaýǵa, arandatýshylyqqa berilmeýge jáne zańsyz aksııalardy uıymdastyrýdan jáne olarǵa qatysýdan, sondaı-aq olarǵa jarııa túrde shaqyrýdan bas tartýǵa shaqyrady.