Bokstan Qazaqstan quramasynyń múshesi, 2022 jylǵy Azııa birinshiliginiń qola júldegeri, 2020 jylǵy Qazaqstan chempıony (60 keli) Samatáli Tóltaev dopıng daýyna baılanysty komandadan shettetildi, dep habarlaıdy Egemen.kz Vesti.kz saıtyna silteme jasap.
Bul 30 sáýir men 14 mamyr aralyǵynda Tashkentte ótetin bokstan erler arasyndaǵy álem chempıonaty qarsańynda boldy.
Ulttyq quramanyń bas bapkeri Myrzaǵalı Aıtjanovtyń aıtýynsha, boksshy eline qaıtarylǵan, ol oqý-jattyǵý jıynynda joq.
«Men komandaǵa kelgen soń, qaıtadan dárigerlerdi, ǵylymı keshendi top qyzmetkerlerin jınap, jumys isteı bastadyq. Olar jigitterge dopıng týraly únemi eskertip otyrady. Tipti, kósheden sý ishýge bolmaıtynyn da eskertemiz. Al Samatáli dostarynyń, tanystarynyń aıtýymen vıtamın ishemin degen oıda bolǵan. Búginde odan ekinshi synama alynady. Halyqaralyq komıssııa sheshedi bárin. Qazir ony úıine qaıtardyq. Jattyǵý jıyndarynda joq. Boksshylar mamandar men dárigerlerdiń baqylaýynda», dedi bas bapker.
Samatáli Tóltaevtyń dopıng qoldanǵany dáleldense, tórt jylǵa sporttan shettetilýi múmkin.