Astana qalasynyń ákimi Jeńis Qasymbek Atameken business telearnasyna bergen suhbatynda qalanyń ınvestısııalyq ahýaly týraly jan-jaqty málimet berdi, dep habarlaıdy Egemen.kz.
«Elordada ınvestısııalyq ahýal jaman emes. Mysalǵa 2021 jyly qalaǵa kelgen ınvestısııa kólemi 1 trıllıon 200 mlrd teńgeni qurady. Byltyr 1,5 trıllıon teńge boldy. Al bıyl birinshi toqsannyń nátıjesi boıynsha qalaǵa kelgen ınvestısııa kólemi ótken jylmen salystyrǵanda 20 paıyzǵa ósti. Investorlar qalamen jumys istep jatyr, olar qabyldanǵan zańdarǵa, ınvestısııalyq ahýalǵa senim artyp otyr», dedi Jeńis Qasymbek.
Ol suhbat barysynda medısına, bilim berý salalaryna tartylatyn ınvestısııa kólemi 10 ese artqanyn tilge tıek etti.
«Investısııanyń 26 paıyzy qurylysqa, qalǵany óndiris jáne basqa salalarǵa bólingen. Qýantatyny, qazir densaýlyq saqtaý jáne bilim berý salalaryna ınvestısııa ótken jyldarmen salystyrǵanda 10 ese kóbeıip jatyr», dedi qala ákimi.