«Amanat» partııasy Qoǵamdyq saıasat ınstıtýtynyń «SocioExpert Club» alańynda «Jańa saıası mádenıet jáne kreatıvti ındýstrııa» taqyryby aıasynda «Kapıtan Qazaqstan» komıksiniń tusaýy kesildi.
Týyndynyń avtory – partııa janyndaǵy Qoǵamdyq saıasat ınstıtýtynyń bas sarapshysy Erlan Ahmedı. Bul onyń alǵashqy týyndysy emes. Buǵan deıin onyń «HHI ǵasyr shesheni. 77 keńes» kitaby jáne «Vlast. Seryı kardınal» atty saıası romany jaryq kórdi.
– Tusaýy kesilip otyrǵan komıkstiń nobaıyn oqýshy kezimde jasaı bastadym. «Marvel»-diń, «DC»-diń kınosyn, mýltfılmderin kórip óstim. Zamanaýı Qazaqstannyń qaharmany, saıasatkeri qandaı bolýy kerek dep kóp oılandym. Onyń jemisi – osy «Kapıtan Qazaqstan». Ol otbasylyq qundylyqtarǵa basymdyq berip, otansúıgishtikti, ádilettilikti tý etedi. Biz jas otandastarymyzdy durys baǵytta tárbıeleýimiz kerek, – dedi E.Ahmedı.
Komıkstiń bas keıipkeri Dinmuhammed Qasymhan kúndiz ádilettilikti tý etetin saıasatker, túnde ádiletsizdikpen kúresetin sýperqaharman – «Kapıtan Qazaqstan». Komıksti Astana qalasyndaǵy «Alash» jáne «Abaı» kitap dúkenderinen satyp alýǵa bolady.
– Komıks qoǵamdyq mádenıetti qalyptastyrady. О́kinishke qaraı, otandyq komıkster óte az. Saýsaqpen sanarlyq. Bul – elimiz úshin múldem jańa sala, tyń qadam dese de bolady. «Kapıtan Qazaqstan»-dy elimizde jaryqqa shyqqan saıası taqyryptaǵy tuńǵysh komıks deýge tolyq negiz bar. Tipti bul eńbekke tek balalar ǵana emes, eresekter qaýymy da qyzyǵýshylyq tanytady degen senimdemin, – dedi «Kitap.kz» jobasynyń avtory, medıasarapshy Maqpal Jumabaı.