Aqsaqaldardy Alakólge shaqyryp, alǵysqa bólendi

Semeı óńirinde kásipkerler az emes. Al osy óńirde týrızmdi damytýǵa atsalysyp kele jatqan azamattardy kóp deýge kelmeıdi. Isaǵalı Omaralınov sondaı azamattardyń biri ǵana emes, biregeıi. Onyń bul máselemen aınalysyp kele jatqanyna shırek ǵasyrdan asyp barady. Qazirde aıdyndy Alakól jaǵasyndaǵy 350 oryndyq eń úlken demalys kesheni osy azamattyń ıeliginde. Munda tynyǵýshylarǵa barynsha qolaıly múmkindik jasalǵan. О́tken jyly osynda eki otbasylyq sándi kottedjder salyndy. Al olardyń sapasy shetelderdegi demalys orynda­ry­nan esh kem emes. Bir sózben aıt­qan­da, «Áıgerim» sheteldik qonaq­­tardy qabyldaýǵa da saqadaı saı ázir. Jýyrda, ıaǵnı jańa maýsym aldynda Isaǵalı Qalımusauly О́skemen men Semeıdiń jáne oblystyń birqatar aýdandarynyń jalpy jıyny otyzdan astam eńbek ardagerlerin Alakólge shaqyryp, tegin tynyqtyryp, demal­dyrdy. Bes kúnge sozyl­ǵan demalys barysynda jasy seksenge taqaǵan aqsaqaldarǵa meılin­­she qurmet kórsetildi. Iаǵnı, mazmundy kesh, oıyn-saýyqqa deıin uıymdas­­­­­ty­ryldy. Sol sebepten de aqsaqaldar aqsuńqar sekildi jemin shashyp jep júrgen azamatqa dán rıza boldy. Buǵan deıin de mektep, meshitke, sport mekemelerine qamqorlyq tanytyp kele jatqan Isaǵalıdy qalaı maqtasań da syıymdy. Osy oraıda saparda kóńi­limizge túıip qaıtqan keleli máse­leni aıta ketsek esh artyq­tyǵy joq dep bilemiz. Iаǵnı, Ala­­­kólge baryp qaıtý máselesi áli kún­ge deıin óz sheshimin tappaı kele­di. Jala­ńashkólden Alakólge deıin­gi nebári elý shaqyrym jerge te­mirjol tartylsa deımiz. Olaı bolmaǵan kúnde osy eki ara­lyq­taǵy jolǵa asfalt tóselse bul má­sele jartylaı bolsa da óz sheshi­­min tapqan bolar edi. Al elimiz­­diń Astana, Al­maty syndy iri qa­la­larymen bir­ge, О́skemen, Semeı­­den Alakólge tikeleı ushaq ushy­­ryla bastasa onyń aıtary joq. Memleketimiz álemdegi asa damyǵan 30 el­diń qatarynan kórinýge talpynyp otyrǵan shaq­ta bul qııalı áńgi­me emes. Týrızm­di damytsaq, eli­miz de qosa damıtyn­dy­ǵyn kim joqqa shyǵarady! SEMEI.