Kolýmbııada Nevado-del-Rýıs janartaýynyń oıanýyna baılanysty qaýipti eskertýdiń qyzǵylt sary deńgeıi jarııalandy. Janartaý mańaıynda 180 jer silkinisi boldy, dep habarlaıdy Egemen.kz.
Nevado-del-Rýıstiń seısmıkalyq qaýpi janartaýdyń ońtústik-batys sektorynda 2-den 4 km-ge deıin jáne kraterden 1,7-den 6 km-ge deıingi qashyqtyqqa taraldy.
Bul výlkan arnalary ishindegi suıyqtyqtardyń qozǵalysyna baılanysty. Birneshe ret kúl atqylady, bul janartaýdy baqylaýǵa qoldanylatyn veb-kameralar arqyly rastaldy. Elespectador basylymynyń habarlaýynsha, qyzǵylt sary deńgeıdegi qaýip aldyńǵy kúndermen salystyrǵanda ózgerip, tómendeýi múmkin, biraq bul onyń belsendiliktiń tómengi deńgeıine jetti degen sóz emes.
Kolýmbııa geologııalyq qyzmetiniń (SGC) sarapshylarynyń málimdeýinshe, qaýip deńgeıi ózgerip, sary spektrge oralýy úshin ýaqyt qajet. Sondyqtan Nevado-del-Rýıstiń qaýip deńgeıi birneshe apta boıy qyzǵylt sary bolyp turmaq.