Qazirgi ýaqytta álem halqynyń shamamen 56 paıyzy qalada turady. Al qalalardyń damýy men qoǵamdyq ál-aýqat búkil álem úshin úlken problemaǵa aınalýda. Osy máselelerdi sheshý maqsatynda Saýd Arabııasy uzyndyǵy 170 shaqyrym bolatyn «Line» (syzyq) dep atalatyn fýtýrıstik qala salýǵa sheshim qabyldady, dep habarlaıdy Egemen.kz.
Qala jobasyn júzege asyrýshy hanzada Muhammed ben Salman basqaratyn Saýd Arabııasynyń áıgili NEOM tehnoparki. Muhammed ben Salman bolashaq Line qalasynyń alǵashqy josparyn 2021 jyldyń qańtarynda jarııalaǵan. NEOM ataýy «jańa bolashaq» degendi bildiredi.
Saýd Arabııasyndaǵy Line qalasynyń qurylysy ınnovasııalyq jetistikterge negizdelgen ári tabıǵatty qorǵaýǵa baǵyttalǵan. Line city shamamen 9 mıllıon turǵynǵa arnalǵan. 170 km-ge sozylatyn qala bıiktigi 500 m qabyrǵamen qorshalady. Jobanyń quny 1 trln dollardy quraıdy.
Qalanyń taǵy bir ekreksheligi onda avtokólik múlde júrmeıtin bolady. Turǵyndar barlyq nysandarǵa jaıaý jáne 20 mınýttyq ótkelmen júrdek poıyzben jete alady. Sondaı-aq jaıaý júrginshiler baratyn jerine 5 mınýt ishinde jete alatyn model ázirlengen.
Jobalaýshylar NEOM jobasy kognıtıvti qalalardy, porttar men kásipkerlik aımaqtardy, zertteý ortalyqtaryn, sport jáne oıyn-saýyq ortalyqtaryn jáne týrıstik baǵyttardy qamtıdy deıdi.
Line qalasy Saýd Arabııasynyń memlekettik ınvestısııalyq qorynyń, sondaı-aq jergilikti jáne halyqaralyq ınvestorlardyń qoldaýymen 1 trıllıon dollar kóleminde qarjylandarylyp otyr.